Laus störf við Íþróttamiðstöð Húnaþings vestra

Íþróttamiðstöð Húnaþings vestra auglýsir tvær lausar stöður til umsóknar.
Um er að ræða:
Eina 50-60 % stöðu til frambúðar frá 1. febrúar 2024
Eina 30-35 % stöðu til að vinna um helgar og tilfallandi afleysingar.
Leitað er að einstaklingum sem hafa:
• ríka þjónustulund,
• góða hæfni í mannlegum samskiptum,
• reynslu af sambærilegum störfum,
• þekkingu á skyndihjálp og getu til að standast kröfur sem gerðar eru til sundlaugarvarða.

Lýsing á starfinu:
Starfið felur í sér viðveru samkvæmt vaktavinnuplani. Í starfinu felst meðal annars öryggisgæsla á útisvæði og í búningsklefum, þrif á öllum vistaverum sundlaugar og íþróttamiðstöðvar, uppgjör, þjónusta við gesti íþróttamiðstöðvar og eftirlit með öryggiskerfum.
Umsækjendur skulu vera orðnir 18 ára og æskilegt er að viðkomandi standist stöðupróf í sundi.

Vinnutími: Vaktavinna

Launakjör: Laun eru samkvæmt kjarasamningum launanefndar sveitarfélaga og Stéttarfélagsins Samstöðu.
Umsóknir ásamt ferilskrá og umsagnaraðila sendist á netfangið tanja@hunathing.is. Nánari upplýsingar veittar í sama netfangi.
Umsóknarfrestur er til 22. janúar 2024
Íþrótta- og tómstundafulltrúi.