Hér eru birtir tenglar um verklag, reglur og annað sem fjölskyldusvið óskar eftir samráði eða ábendingum um. Almennum ábendingum má alltaf beina til sviðsstjóra fjölskyldusviðs á netfangið siggi@hunathing.is.
Efni til samráðs:
Hugmyndir um samfélagsmiðstöð í Félagsheimilinu Hvammstanga.
Í skjölunum hér að neðan má sjá samantekt af fundum með íbúum og nemendum um hugmyndir þeirra um samfélagsmiðstöð. Öllum gefst nú tækifæri til að taka þátt í þessari hugmyndavinnu ef nýjar hugmyndir hafa komið fram, einhver komst ekki á fundinn eða athugasemdir eru við framkomnar hugmyndir og/eða forgang og mikilvægi þeirra. Hægt er að senda inn tillögur, ábendingar og hugmyndir til og með 4. desember 2024 á þessu eyðublaði.
Í kjölfarið mun fjölskyldusvið vinna skýrslu úr hugmyndavinnunni og leggja tillögur fyrir sveitarstjórn og íbúa um næstu skref.
Hugmyndir af íbúafundi.
Hugmyndir af fundi með mið- og unglingastigi.
Hugmyndir af fundi með dreifnámi.
Einnig er hægt að senda fyrirspurnir eða ábendingar um verkefnið á johann@hunathing eða siggi@hunathing.is.
Samráði lokið:
Samkvæmt 13. gr. laga nr. 151/2020 um stjórnsýslu jafnréttismála skulu sveitarstjórnir sjá til þess að sveitarfélagið setji sér áætlun um jafnréttismál. Áætlunin skal lögð fram til samþykktar í viðkomandi sveitarstjórn, hún rædd árlega og endurskoðuð eftir þörfum.
Byggðarráð fer með málaflokkinn og hefur nú samþykkt að setja fyrstu drög að nýrri jafnréttisáætlun í opið samráð á heimasíðu sveitarfélagsins. Öll áhugasöm eru hvött til að senda inn ábendingar og athugasemdir til og með 29. ágúst nk.
Drög að jafnréttisáætlun Húnaþings vestra 2023-2026.
Smelltu hér til að senda inn umsögn.
10. - 24. mars 2023. Framtíðarsýn í málefnum eldri borgara.
Hér má nálgast samantekt af tveimur vinnufundum og einum kynningarfundi á hugmyndum og tillögum eldri borgara um framtíðarsýn í málefnum aldraðra. Samantektin er vinnuskjal sem hefur ekki verið flokkað nákvæmlega. Í megin atriðum snýr samantektin að húsnæðismálum, akstursþjónustu, snjómokstri og vilja til að sjá Félagsheimili Hvammstanga í nýju hlutverki.
Ábendingar um framtíðarsýn í málefnum eldri borgara má senda inn hér til og með 24. mars 2023.
10. - 24. febrúar 2023 - Kort með tillögum um fjölgun bekkja á Hvammstanga og Laugarbakka og í hvaða forgangi þegar fjármagn til þess leyfir samkvæmt fjárhagsáætlun. Til að skila inn ábendingum skal smella hér.
1. - 27. desember 2022- Drög að reglum um skólaakstur í Húnaþingi vestra. Gert er ráð fyrir að reglurnar verði samþykktar áður en útboð á skólaakstri fer fram 2023. Til að skila inn ábendingum skal smella hér.
1. - 27. desember 2022- Drög að reglum um ráðgjöf um líðan og sálfræðiþjónustu í Húnaþingi vestra. Til að skila inn ábendingum skal smella hér.
