1068. fundur

Afgreiðslur:

1.       2011046 Lagt fram til kynningar bréf frá Vegagerðinni þar sem tilkynnt er um niðurfellingu hluta Gauksmýrarvegar nr. 7108-01 og Valdarásvegar ytri nr. 7164-01 af vegaskrá.
2.      2011040 Lagt fram bréf frá Skotveiðifélaginu Markviss dagsett 8. nóvember 2020 þar sem óskað er eftir fjárstuðningi til að ljúka uppbyggingu aðstöðuhúss við riffilbraut á skotsvæði félagsins við Blönduós. Byggðarráð getur ekki orðið við erindinu.
3.      2011037 Lagt bréf frá Stígamótum  dagsett 9. nóvember 2020 þar sem óskað er eftir fjárstuðningi og samstarfi um rekstur Stígamóta. Byggðarráð getur ekki orðið við erindinu að þessu sinni.
4.      2011032 Lagt fram bréf frá Ungmennaráði dagsett 2. nóvember 2020 þar sem ráðið óskar eftir heimild fyrir fleiri fundi á ári. Í erindisbréfi Ungmennaráðs segir að ráðið komi saman að jafnaði fjórum sinnum á tímabilinu 15. september til 31. maí ár hvert eða oftar ef þörf krefur að mati formanns og sviðsstjóra fjölskyldusviðs. Byggðarráð fagnar áhuga Ungmennaráðs á því að efla starf ráðsins og vísar til sveitarstjórnar að fjölga fundum ráðsins árið 2021 í sex fundi, þrjá fundi að vori og þrjá að hausti. Jafnframt leggur byggðarráð til að erindisbréf ráðsins verði endurskoðað ef fjölgun funda gefur góða raun. Ennfremur óskar byggðarráð eftir fundi með fulltrúum ungmennaráðs.
5.     Árskýrsla Jöfnunarsjóðs sveitarfélaga lögð fram til kynningar.
6.     Lagt fram bréf frá umhverfis- auðlindaráðuneytinu þar sem kannaður er vilji sveitarfélagsins á að unnin verði úttekt á náttúruverðmætum í sveitarfélaginu í ljósi þess að fjölmörg áhugaverð svæði eru í Húnaþingi vestra. Úttektin verður án skuldbindinga og getur varpað ljósi á tækifæri sem eru fyrir hendi meðal annars með tilliti til hugsanlegrar verndunar. Byggðarráð fagnar erindi umhverfis- og auðlindaráðuneytisins og felur sveitarstjóra að svara erindinu.
7.     Lagt fram minnisblað frá fundi sveitarstjóra og sýslumannsins á Norðurlandi vestra vegna Minningarsjóðs Ágústu Jónatansdóttur og Daníels Jónatanssonar sem stofnaður var með skipulagsskrá 27. desember 1988. Hlutverk sjóðsins er að rækta skóg í landi Bjargshóls í Miðfirði, sem lagt var til sjóðsins í upphafi. Í ljósi þess að sýslumaðurinn á Norðurlandi vestra hefur yfirumsjón með málefnum sjóða og sjálfseignastofnana á landsvísu telur hann ekki viðeigandi að hann sinni stjórnarstörfum í minningarsjóðnum. Sýslumaðurinn á Norðurlandi vestra mun leggja til við stjórn sjóðsins að breyting verði gerð á 1. tl. 6. gr. skipulagsskrárinnar þannig að sýslumaður gangi úr stjórninni. Í stað hans komi sveitarstjóri Húnaþings vestra eða fulltrúi sem sveitarstjóri tilnefnir í sinn stað. Einnig munu fjárreiður sjóðsins færast til Húnaþings vestra frá 1. janúar 2021. Byggðarráð samþykkir fyrir sitt leyti ósk sýslumanns að umsýsla og stjórn sjóðsins verði flutt til sveitarfélagsins.
8.      Ársreikningur Húnasjóðs lagður fram og undirritaður.
9.     Fundargerð 428. fundar Hafnarsambands Íslands lögð fram til kynningar ásamt drögum að umsögn hafnarsambandsins um hafnarlög.
10.   Lagt fram til kynningar bréf frá fulltrúum ASÍ, BHM, BSRB, FL og FSL varðandi styttingu vinnuvikunnar.
11.   Lögð fram til kynningar yfirlýsing frá baráttuhópi smærri fyrirtækja, einyrkja og sjálfstætt starfandi aðila í ferðaþjónustu.

Fundargerð upplesin og samþykkt.                           Fundi slitið kl. 14:46