Góður íbúafundur um skólabyggingu

 

Magdalena Sigurðardóttir og Gunnhildur Melsted, arkitektar hjá VA arkitektum voru með kynningu á viðbyggingu við grunnskóla Húnaþings vestra. Vinna við hönnun á innra skipulagi hefur verið í gangi frá áramótum og stendur nú yfir kynningarferli á tillögunni. 

 

Arnar Birgir Ólafsson hjá Teiknistofu Norðurlands kynnti deiliskipulag sem nú er í vinnslu fyrir skólareit frá leikskóla að íþróttahúsi. Hann fór yfir þær hugmyndir sem eru á teikniborðinu varðandi útfærslur á svæðinu s.s. staðsetningar leiktækja, gönguleiða og fl. Einnig greindi hann frá þeirri skemmtilegu vinnu grunnskólanemenda en þau fengu það verkefni að setja á blað hugmyndir af leiktækjum og öðru sem þeim finnst að ætti heima á lóðinni sem verður svo notað áfram í hönnunarvinnunni. 

 

Tillöguteikning af viðbyggingu er til sýnis í þjónustuanddyri Ráðhússins, Hvammstangabraut 5, Hvammstanga. Þeir sem vilja koma með ábendingar geta sent þær á rafrænu formi í gegnum heimasíðuna til 25. apríl nk.

 

Hér fyrir neðan sést hvar hnappurinn er á heimsíðunni, sem að hægt er að ýta á og senda inn ábendingar.