152. fundur

Afgreiðslur:

1.  Staða sauðfjárræktar

Landbúnaðarráð tekur heilshugar undir bókun byggðarráðs Húnaþings vestra frá 21. ágúst sl. og gerir að sinni. 

Að auki bendir landbúnaðarráð Húnaþings vestra á að samkvæmt minnisblaði Ráðgjafarmiðstöðvar landbúnaðarins er meðal tekjutap á hvert sauðfjárbú í sveitarfélaginu um 2.000.000 á árinu 2017 ef miðað er við það verð sem fékkst fyrir afurðir árið 2015.  Sauðfjárbú í Húnaþingi vestra eru 93 með um 330 íbúum.  Fyrir meðalheimili er þessi tekjumissir meiri en flest heimili ráða við, sérstaklega þar sem ekki er fyrirsjáanlegt að breyting verði á í nánustu framtíð.

Landbúnaðarráð hvetur forsvarsmenn bænda og afurðastöðva, landbúnaðarráðherra og ráðherra byggðamála, og alþingismenn að setja kraft í að leysa vanda sauðfjárbænda með farsælum hætti. 

2.  Önnur mál. 

Rjúpnaveiði.  Rætt var um fyrirkomulag rjúpnaveiði í haust.  Ákveðið að hafa sama fyrirkomulag og á síðasta ári.

Fundargerð upplesin og samþykkt.                           Fundi slitið kl. 14:10