Oddviti setti fund og óskaði eftir að bæta á dagskrá sem 8. dagskrárlið umsögn sveitarstjórnar Húnaþings vestra um tillögu til þingsályktunar um fimm ára samgönguáætlun fyrir árin 2020 – 2024, 434. mál og tillögu til þingsályktunar um samgönguáætlun fyrir árin 2020 – 2034, 435. mál. Borið undir atkvæði og samþykkt með 7 atkvæðum.
- Fundargerðir byggðarráðs, formaður kynnti.
Fundargerð 1025. fundar byggðarráðs frá 16. desember sl. Fundargerð í 7 liðum.
Dagskrárliður 7. Pétur Arnarsson slökkviliðsstjóri óskar eftir ársleyfi frá sínum störfum. Byggðarráð felur sveitastjóra að auglýsa starf slökkviliðsstjóra. Afgreiðsla byggðarráðs borin undir atkvæði og samþykkt með 7 atkvæðum.
Aðrir liðir fundargerðarinnar og fundargerðin í heild samþykkt með 7 atkvæðum.
Fundargerð 1026. fundar byggðarráðs frá 23. desember sl. Fundargerð í 4 liðum.
Dagskrárliður 3. Jafnréttisáætlun Húnaþings vestra 2019-2023. Afgreiðsla byggðarráðs borin undir atkvæði og samþykkt með 7 atkvæðum.
Dagskrárliður 4. Drög að reglum fyrir starfsmenn í leik- og grunnskólum vegna starfstengds réttindanáms þar sem byggðarráð leggur til að gerðar verði heildstæðar reglur um starfstengt nám fyrir starfsmenn sveitarfélagsins. Sveitarstjórn felur byggðarráði að vinna heildstæðar reglur um starfstengt nám fyrir starfsmenn sveitarfélagsins. Tillagan samþykkt með 7 atkvæðum.
Aðrir liðir fundargerðarinnar og fundargerðin í heild samþykkt með 7 atkvæðum.
Fundargerð 1027. fundar byggðarráðs frá 6. janúar sl. Fundargerð í 10 liðum.
Dagskrárliður 1. Bréf Atvinnu- og nýsköpunarráðuneytisins um úthlutun byggðakvóta fiskveiðiársins 2019/2020 til Húnaþings vestra, ásamt reglum um úthlutun kvótans. Afgreiðsla byggðarráðs borin undir atkvæði og samþykkt með 7 atkvæðum.
Dagskrárliður 5. Bréf frá Pétri Arnarssyni slökkviliðsstjóra. Afgreiðsla byggðarráðs borin undir atkvæði og samþykkt með 7. atkvæðum.
Dagskrárliður 6. Málefni fatlaðs fólks á Norðurlandi vestra þar sem lagt er til að framlengja núgildandi samning um þrjá mánuði. Afgreiðsla byggðarráðs borin undir atkvæði og samþykkt með 7 atkvæðum.
Dagskrárliður 9. Tillaga að breytingu á gjaldskrá Félagsheimilisins Hvammstanga. Tillagan borin undir atkvæði og samþykkt með 7 atkvæðum.
Aðrir liðir fundargerðarinnar og fundargerðin í heild samþykkt með 7 atkvæðum.
2. Fundargerð veituráðs, oddviti kynnti.
Fundargerð 17. fundar veituráðs frá 18. desember sl. Fundargerð í 2 liðum.
Fundargerð borin undir atkvæði og samþykkt með 7 atkvæðum.
3. Fundargerð ungmennaráðs, oddviti kynnti.
Fundargerð 57. fundar fræðsluráðs frá 19. desember sl. Fundargerð í 2 liðum.
Fundargerð borin undir atkvæði og samþykkt með 7 atkvæðum.
4. Fundargerð landbúnaðarráðs, oddviti kynnti.
Fundargerð 171. fundar landbúnaðarráðs frá 4. desember sl.
Dagskrárliður 7. Erindisbréf fjallskilastjórna í Húnaþingi vestra.
Dagskrárliður 7 borinn upp og samþykktur með 7 atkvæðum.
Aðrir liðir fundargerðarinnar og fundargerðin í heild samþykkt með 7 atkvæðum.
5. Fundargerð fræðsluráðs, oddviti kynnti.
Fundargerð 205. fundar fræðsluráðs frá 27. nóvember sl. Fundargerð í 3 liðum.
Fundargerð borin undir atkvæði og samþykkt með 7 atkvæðum.
6. Lagt fram bréf frá Leó Erni Þorleifssyni þar sem hann hann segir sig frá störfum sem varamaður í fræðsluráði. Sveitarstjórn þakkar Leó Erni fyrir störf í þágu nefndarinnar. Sveitarstjórn tilnefnir Halldór Sigfússon sem varamann í fræðsluráð. Tillagan borin undir atkvæði og samþykkt með 7 atkvæðum.
7. Húsnæðisáætlun Húnaþings vestra.
Lögð fram til kynningar drög að Húsnæðisáætlun Húnaþings vestra.
8. Umsögn sveitarstjórnar Húnaþings vestra um tillögu til þingsályktunar um fimm ára samgönguáætlun fyrir árin 2020–2024, 434. mál og tillögu til þingsályktunar um samgönguáætlun fyrir árin 2020 – 2034, 435. mál.
„Í tillögu til þingsályktunar um samgönguáætlun fyrir árin 2020-2034, er að finna framkvæmdir við veg 711, Vatnsnesveg.
Það veldur sveitarstjórn Húnaþings vestra verulegum vonbrigðum að framkvæmdir við veg 711 séu ekki fyrirhugaðar fyrr en á þriðja tímabili áætlunarinnar á árunum 2029-2034. Sveitarstjórn telur afar brýnt að framkvæmdinni verði flýtt og sett á fimm ára aðgerðaáætlun fyrir árin 2020-2024 þannig að vinna við hönnun og framkvæmdir hefjist tafarlaust.
Sveitarstjórn Húnaþings vestra ítrekar nauðsyn þess að framkvæmdir við skólaakstursleiðir verði settar í forgang innan samgönguáætlunar. Grunnskólabörn sem búa við veg 711 þurfa að fara í skólabíl um veginn tvisvar á dag, hvern virkan dag, níu mánuði ársins, í tíu ár. Þannig velkjast börnin á vondum vegi, á lágmarkshraða, með tilheyrandi óþægindum og nú í vetur hefur daglegur ferðatími skólabíla lengst um 40 mínútur vegna óviðunandi ástands vegarins.
Mælingar sýna að veruleg umferðaraukning hefur orðið um veg 711 og telur sveitarstjórn varhugavert að slá af öryggiskröfum á þeim köflum vegarins þar sem umferð skólabíla er enda hefur aukin umferð haft í för með sér aukna slysatíðni, s.s. útafakstur og bílveltur og er vegur 711 nú sá vegur á Norðurlandi vestra sem flest slys verða á.“
Umsögn sveitarstjórnar samþykkt með 7 atkvæðum.
9. Skýrsla sveitarstjóra.
Fleira ekki tekið fyrir. Fundargerð upplesin og samþykkt. Fundi slitið kl. 15:26
