Samningur um styrk vegna samfélagsmiðstöðvar í Félagsheimilinu Hvammstanga

Lagður fram samningur milli Húnaþings vestra og menningar- og viðskiptaráðuneytis vegna framlags til stuðnings við endurbætur á Félagsheimilinu Hvammstanga, alls 43 milljónir á árinu 2025. Er samningurinn samkvæmt tilmælum fjárlaganefndar við samþykkt fjárlaga 2025 á Alþingi. Byggðarráð staðfestir samninginn fyrir sitt leyti. Jafnframt fagnar ráðið styrkveitingunni sem er mikilvægur liður í vinnu við uppsetningu samfélagsmiðstöðvar í Félagsheimilinu. Gert er ráð fyrir að framlaginu verði ráðstafað til viðgerða á ytra byrði hússins á árinu.