50% starf við félagslega heimaþjónustu

Bráðvantar vegna forfalla starfskraft í félagslega heimaþjónustu

Vegna forfalla vantar fjölskyldusvið Húnaþings vestra nú þegar starfskraft í félagslega heimaþjónustu!!! Einnig vantar starfskraft til frambúðar frá 15. ágúst.

Um er að ræða 50% starf í heimaþjónustu á Hvammstanga og í dreifbýli. Starfið felst aðallega í því að sjá um almenn þrif í heimahúsum, fara í sendiferðir (t.d. innkaup) og veita persónulega aðstoð.

Þjónustulund, hæfni í mannlegum samskiptum og almenn kunnátta við þrif eru nauðsynleg.

Laun eru greidd skv. kjarasamningi Launanefndar sveitarfélaga og Starfsgreinasambands Íslands.

Áhugasamir eru beðnir um að hafa sem fyrst samband við Henrike Wappler, umsjónarfélagsráðgjafa, í síma 455-2400.