Breyting á aðalskipulagi-skipulagslýsing

Sveitarstjórn Húnaþings vestra samþykkti á fundi sínum þann 8. desember 2022 að auglýsa skipulagslýsingu fyrir breytingar innan þéttbýlis á Hvammstanga í aðalskipulagi 2014-2026 skv. skipulagslögum nr. 123/2010 og skipulagsreglugerðar nr. 90/2013.

Um er að ræða breytingu á íbúðarbyggð ÍB 9 við Lindarveg sem er í uppbyggingu og eru þar risin nokkur íbúðarhús. Svæðið er skv. núgildandi skipulagi skilgreint sem svæði fyrir frístundabyggð en með þessari breytingu er verið að fella þá skilgreiningu niður. Einnig verður heimild fyrir að mannvirki verði á tveimur hæðum án breytinga á hámarks hæðarkóta í gildandi deiliskipulagi við Lindarveg 2,4,6 og 8.

Einnig er um að ræða breytingar á íbúðarbyggð Í7 sunnan við Eyri og tilfærsla á landnotkunarreit AT7.

Svæðið sunnan og norðan við Eyri sem breytingin nær til, er að mestu tún og beitarlönd og byggt hefur verið á öllum fjórum lóðunum á svæði ÍB7.

Skipulagslýsing fyrir deiliskipulagstillöguna er ekki matsskyld samkvæmt reglugerð 66/2015 um mat á umhverfisáhrifum og í samræmi við aðalskipulag Húnaþings vestra 2014-2026.

Mánudaginn 9. janúar 2023 frá kl. 10:00-12:00 verður opið hús í ráðhúsi Húnaþings vestra, þar sem fólki gefst kostur á að koma og kynna sér umræddar breytingar.

Skipulagslýsinguna má nálgast á heimasíðu sveitarfélagsins hunathing.is

Skipulagslýsing:

Frestur til að skila inn ábendingum rennur út 27. janúar 2023 og skal þeim skilað á netfangið skipulagsfulltrui@hunathing.is eða með bréfpósti stílað á skipulagsfulltrúa Hvammstangabraut 5, 530 Hvammstanga.

Bogi Kristinsson Magnusen

Skipulagsfulltrúi Húnaþings vestra