Brunavarnir Húnaþings vestra

Slökkvilið Brunavarna Húnaþings vestra óskar eftir öflugum einstaklingum til starfa. Um er að ræða störf slökkviliðsmanna sem felast í því að sinna útköllum, æfingum og öðrum verkefnum að beiðni slökkviliðsstjóra.

Menntunar- og/eða hæfniskröfur:
Æskilegt er að umsækjendur uppfylli hæfniskröfur 13. gr. reglugerðar um starfsemi slökkviliða nr. 747/2018

• Hafi góða líkamsburði, vera andlega og líkamlega heilbrigðir, reglusamir og háttvísir, hafa góða sjón og heyrn, rétta litaskynjun og vera ekki haldnir lofthræðslu eða innilokunarkennd
• Hafa iðnmenntun sem nýtist í starfi slökkviliðsmanna eða sambærilega menntun og reynslu (má víkja frá í undantekningartilfellum)

Að auki er æskilegt að starfandi slökkviliðsmenn uppfylli eftirtalin skilyrði:

• Aukin ökuréttindi C til að stjórna vörubifreið
• Standast læknisskoðun og þrekpróf
• Hafa jákvætt hugarfar og færni í mannlegum samskiptum
• Menntun og/eða reynsla af starfi slökkviliðs- og/eða sjúkraflutningamanna er kostur
• Vilji til að afla sér viðeigandi menntunar slökkviliðsmanna

Fylgiskjöl með umsókn:

Prófskírteini, sakavottorð, ljósrit af ökuskírteini og ferilsskrá.

Konur jafnt sem karlar eru hvattar til að sækja um starfið.
Laun eru samkvæmt kjarasamningi Launanefndar sveitarfélaga og Landssambands slökkviliðs- og sjúkraflutningamanna.

Einungis er tekið á móti rafrænum umsóknum á netfangið slokkvistod@hunathing.is Nánari upplýsingar gefur Jóhannes Kári Bragason slökkviliðsstjóri í síma 695 1168.

Umsóknarfrestur er til  11. febrúar 2022.