Félagsmiðstöðin Órion óskar eftir starfsfólki.

27.06.2024 Frétt

Félagsmiðstöðin Órion óskar eftir starfsfólki sem hefur áhuga á að vinna með unglingum í 5.-10. bekk.

Félagsmiðstöðin Órion býður börnum og unglingum í 5. – 10. bekk vettvang fyrir fjölbreytt og skemmtilegt tómstundastarf eftir að hefðbundnum skóla lýkur. Starfið er unnið á grunni unglingalýðræðis og í anda forvarna. Órion er vettvangur fyrir opið félagsstarf, skipulagða dagskrá, hópstarf og ýmsa viðburði sem starfsfólk sinnir með unglingunum.

Um er að ræða tímavinnu sem hentar vel fyrir skólafólk eða fyrir þá sem eru að leita sér að aukavinnu. Vinnutíminn er utan hefðbundins vinnutíma og viðkomandi geta haft áhrif á skipulag starfsins.

Helstu verkefni og ábyrgð:

Tekur þátt í að skipuleggja og móta fjölbreytta dagskrá.
Mikil samskipti og samvinna við börn og unglinga.
Skapa jákvætt andrúmsloft sem byggir á virðingu og lýðræðislegum vinnubrögðum.
Stuðningur við frumkvæði barna og unglinga, tryggir öryggi þeirra og vellíðan.
Sinnir vöktum í félagsmiðstöðinni, sértæku hópastarfi, námskeiðum, fræðslu, samvinnu við grunnskóla og öðru slíku.
Sækir viðburði með börnum- og unglingum á vegum félagsmiðstöðvarinnar.
Sér um samfélagsmiðla fyrir Órion.
Sér um þrif í Órion.
Önnur verkefni skv. starfslýsingu og sem yfirmaður felur viðkomandi.

Menntunar- og hæfnikröfur:

Starfsþjálfun, námskeið og/eða nokkur starfsreynsla.
Reynsla af starfi með börnum og unglingum æskileg.
Íslenskukunnátta.
Heiðarleiki, stundvísi, skipulagshæfni, frumkvæði og sjálfstæð vinnubrögð.
Fjölbreytt áhugasvið sem nýtist í starfi félagsmiðstöðva.
Almenn tölvukunnátta.
Er góð fyrirmynd.

Skilyrði fyrir ráðningu er að viðkomandi hafi hreint sakavottorð.

Nánari upplýsingar um starfið veitir Tanja Ennigarð, íþrótta-og tómstundafulltrúi, í síma 858-1532 eða á netfanginu tanja@hunathing.is

Umsóknarfrestur er til og með 31. júlí 2024.

Greinargóð ferilskrá fylgi umsókn.

Laun eru samkvæmt kjarasamningi Sambands íslenskra sveitarfélaga við Samstöðu.

Til baka