Fjallskilaseðill Víðdælinga 2018

Göngur hefjast á Víðidalstunguheiði mánudaginn 3. september 2018.

Þann dag fari rekstrarmenn gangnahrossa, sem jafnframt eru undanreiðarmenn, af stað frá Hrappsstöðum kl.11:00.

Næsta dag verður seinniflokkur keyrður fram og farið verður frá Hrappsstöðum kl.17.

Farangur, þar með talin reiðtygi og öll gangnahross verða að vera komin kl. 10 mánudaginn 3. september í  Hrappsstaði.   

Í fyrri göngum skal smalað bæði sauðfé og hrossum. Sauðfé verður réttað í Valdarásrétt föstudaginn 7. Sept kl.09:00 og í Víðidalstungurétt laugardaginn 8. sept. og hefjast réttarstörf þar kl. 10:00.

Seinni göngur hefjast föstudaginn 21. september og verður heiðin leituð á þremur dögum.

Fæði verður í göngum í öllum náttstöðum á heiðinni.

Föstudaginn 5.október skulu þeir sem tilgreindir eru á gangnaseðli sækja stóð í löndin norðan heiðargirðingar. Þeir smali einnig sauðfé. Þeir sem eru tilgreindir til að smala Stóru – Hlíð og Krók smali öllu vestur í Krók.

Stóðið verður réttað í Víðidalstungurétt laugardaginn 6. okt og verður stóðið  rekið til réttar kl 11:00 þann dag. Talning hrossa fer eingöngu fram í aðalrétt  og verður gefinn 30% afsláttur af framtöldum hrossum sem ekki hafa gengið á heiði.

Óheimilt er að taka hross úr réttinni fyrir talningu þeirra.

Fyrri heimalanda smölun fari fram laugardaginn 15. september og réttað verði í Víðidalstungurétt sunnudaginn 16. sept kl: 10:00.

Seinni heimalanda smölun verður laugardaginn 13. október og réttað í Víðidalstungurétt sunnudaginn 14.okt kl:10:00.

 Ítrekum skyldur landeigenda til að gera skil á sínum löndum.

Þeir sem tilgreindir eru á gangnaseðli til að smala Litlu-Hlíðar land, geri það föstudaginn fyrir heimalandasmalanir.

Þeir  seinniflokks menn sem ætla sér að fara ríðandi fram láti Kristínu í Miðhópi vita í síma: 8686418 fyrir kl 20 sunnudagskvöldið 2. september.

Ætli menn að ríða með rekstramönnum þurfa þeir að ræða það við gangnastjóra.

 Fólk sem hyggst fara með gangnamönnum skal afla sér leyfis gangnastjóra. Einnig er þeim bent á að panta fæði hjá ráðskonu (Jóhanna: 866 2912) með góðum fyrirvara. Allar nánari upplýsingar veitir Kristín í síma: 8686418.

 Hey- og fæðisgjald fyrir aukafólk sem fer með gangnamönnum er kr. 3.500 per dag.

Athygli skal vakin á því að engan má senda í göngur yngri en 16. ára, samkvæmt 16.gr Fjallskilareglugerðar  Húnaþings vestra.

 Gangnastjórar og aðrir sem tilgreindir eru í gangnaseðli til að hafa umsjón með fjallskilum, skipa nánar fyrir um framkvæmd þeirra.

 Tímakaup vegna aukaverka: verður 2.500 kr. fyrir mann og fyrir hjól 2.500 kr., hvort tveggja samkvæmt reikningi.

Mælst er til þess að gangnamenn komi með nothæfar talstöðvar. Þar sem það léttir undir við smölun.

Sú nýbreytni verður í Gaflsmölun á stóði að það verður geymt í hólfi milli ytri heiðargirðingar og Bergárbrúar meðan klárað er að koma sauðfé á flutningstæki. Stóðinu verður síðan hleypt í gegn um hliðið á Bergárbrú í fyrsta lagi kl:14:00