Frístundastarf í júní – tilraunaverkefni í sumar
Húnaþing vestra hefur í samstarfi við Umf. Kormák ákveðið að gera tilraun með frístundastarf í júní fyrir börn fædd á árunum 2008 – 2003 (1. – 6. bekk) í húsnæði grunnskólans á Hvammstanga.
Frístundastarfið skiptist þannig:
- 7 – 10 ára, börn fædd 2008 – 2005. Þrjár vikur 8. – 26. júní frá kl. 8:00 – 12:00 og 13:00 – 16:00.
Stök vika allan daginn fyrir 7 – 10 ára kostar 10.000 kr. (5.000 hálfur dagur). Ef pantaðar eru þrjár vikur og greitt fyrirfram er kostnaður 23.000 kr. (12.500 hálfur dagur). Innifalinn er efniskostnaður, morgun- og síðdegishressing og fylgd á æfingar
- 11 – 12 ára, börn fædd 2004 – 2003. Tvær vikur 15. – 26. júní frá kl. 13:00 – 16:00.
Stök vika hálfan daginn fyrir 11 – 12 ára kostar 5000. Ef pantaðar eru tvær vikur og greitt fyrirfram er kostnaður kr. 7.500. Innifalinn er efniskostnaður og síðdegishressing.
Systkinaafsláttur er 50% með öðru barni, frítt fyrir þriðja. Hægt er að nýta frístundakort Húnaþings vestra.
Frístundin er opin milli klukkan 12-13 þar sem verður boðið upp á léttan hádegismat og gæslu fyrir kr. 500 (ekki systkinaafsláttur).
Tekið er á móti skráningum til og með föstudeginum 22. maí nk. Ekki verður hægt að tryggja þátttöku í frístundastarfinu komi skráningar eftir þann tíma.
Hægt er að nálgast skráningablað á skrifstofu Húnaþings vestra og á heimasíðu sveitarfélagsins. Frekari upplýsingar á netfanginu grunnskoli@hunathing.is.
