Fundur um Holtavörðuheiðarlínu 3

Þriðjudaginn 14. mars fór fram kynningarfundur Landsnets á niðurstöðum valkostagreiningar á legu Holtavörðuheiðarlínu 3. Fundurinn var haldinn á Hótel Laugarbakka og var fjölsóttur. 

Lagning Holtavörðuheiðarlínu 3 er mikilvægur hlekkur í endurnýjun á núverandi byggðalínu og verður línan, 220 kV raflína, hluti af nýrri kynslóð byggðalínu. Meginmarkmið með byggingu hennar er að auka afhendingaröryggi og afhendingargetu á landinu og tryggja að flutningskerfið standi ekki í vegi fyrir atvinnuubyggingu og eðlilegri þróun byggða á landinu.

Landsnet hefur hafið undirbúning að mati á umhverfisáhrifum línunnar. Á fundinum á Hótel Laugarbakka fóru fulltrúar Landsnets yfir niðurstöður valkostagreiningar á legu línunnar eftir vinnufundi sem haldnir voru í janúar og febrúar. Eftir standa þrjár hugsanlegar leiðir og verður nú unnin matslýsing á þeim og í framhaldinu mat á umhverfisárhifum.

Nánari upplýsingar um verkefnið má finna á vefsvæði þess á heimasíðu Landsnets.  Þar er m.a. að finna kortasjá þar sem valkostir lagnaleiðarinnar eru skýrðir.