Kveðja til kvenfélaga í Húnaþingi vestra 2025

Dagur kvenfélagskonunnar er í dag, 1. febrúar. Sögu kvenfélaga á Íslandi má rekja allt aftur til miðbiks 19. aldar þegar Kvenfélag Rípurhrepps í Skagafirði kom saman árið 1869 (formlega stofnað 1871). Síðan þá hafa kvenfélög ætíð staðið vörð um réttindi kvenna, menntun og önnur mikilvæg samfélagsmálefni. Kvenfélögin vinna ómetanlegt starf í þágu samfélagsins.

Sveitarstjórn Húnaþings vestra sendir kvenfélagskonum sínum í Kvenfélaginu Björk Hvammstanga, Kvenfélaginu Freyju Víðidal, Kvenfélaginu Iðju Miðfirði, Kvenfélagi Staðarhrepps, Kvenfélaginu Iðunni Bæjarhreppi og Kvenfélaginu Ársól Vatnsnesi og Vesturhópi kærar kveðjur og þakkar góð störf í þágu samfélagsins.