Opið samráð um staðsetningu bekkja á Hvammstanga og Laugarbakka

Á 6. fundi öldungaráðs sem haldinn var þann 4. október 2022 var Sigurði Þór Ágústssyni sviðsstjóra, Kristbjörgu Gunnarsdóttur og Jónu Halldóru Tryggvadóttur falið að vinna tillögu að setbekkjum á gönguleiðum í Húnaþingi vestra. Hópurinn hefur skilað af sér tillögum fyrir Hvammstanga og Laugarbakka.

Tillögur hópsins eru settar fram á kortum sem sýna hvar bekkir eru nú þegar staðsettir ásamt tillögum að viðbótar bekkjum þegar fjármagn á fjárhagsáætlun leyfir. 

Tillögurnar eru nú komnar til opins samráðs til 24. febrúar. Öll sem áhuga hafa eru hvött til að koma með ábendingar. 

Nánari upplýsingar er að finna hér.