Samfélagsviðurkenning Húnaþings vestra 2015 var veitt á fundi félagsmálaráðs miðvikudaginn 18. febrúar. Fjölskyldusvið óskaði eftir tilnefningum þeirra sem hafa með gjörðum sínum og framgöngu látið gott af sér leiða og verið öðrum fyrirmynd. Margar tilnefningar bárust og það var ekki einfalt að velja úr.
Þeir sem hlutu viðurkenningu að þessu sinni voru Björn Þór Sigurðsson, Eydís Ósk Indriðadóttir og starfsfólk Pakkhúss KVH.
Fjölskyldusvið Húnaþings vestra þakkar öllum þeim sem sendu inn tilnefningar og óskar handhöfum viðurkenningarinnar til hamingju.
![asamf.jpg asamf.jpg](/static/files/myndir/mynd-vantar.png)
Björn Sigurðsson sem flestir í Húnaþingi vestra þekkja undir nafninu Bangsi varð áttræður daginn sem hann tók við samfélagsviðurkenningunni
![asamfel1.jpg asamfel1.jpg](/static/files/myndir/mynd-vantar.png)
Indriði Karlsson tók við viðurkenningu fyrir hönd dóttur sinnar Eydísar Óskar
![asamfel2.jpg asamfel2.jpg](/static/files/myndir/mynd-vantar.png)
Starfsfólk Pakkhúss KVH með samfélagsviðurkenningu Húnaþings vestra 2015
![asamfel3.jpg asamfel3.jpg](/static/files/myndir/mynd-vantar.png)
Frá vinstri: Sigrún Birna Gunnarsdóttir formaður Félagsmálaráðs, Björn Sigurðsson, Indriði Karlsson, Hörður Gylfason, Kristján S. Guðmundsson, Jón Hilmar Karlsson og Esther Hermannsdóttir Sviðsstjóri fjölskyldusviðs.