Slökkvilið brunavarna Húnaþings vestra óskar eftir öflugu fólki óháð kyni til að sinna slökkvi- og björgunarstarfi

Erum við að leita að þér?

Brunavarnir Húnaþings vestra óska eftir öflugum einstaklingum til starfa óháð kyni. Um er að ræða störf slökkviliðs sem felast í að sinna útköllum, æfingum og öðrum verkefnum eftir þörfum. Vilt þú læra nýja hluti, vera hluti af skemmtilegum hópi fólks, fara kannski aðeins út fyrir þægindarammann og takast á við krefjandi verkefni? Þá gæti þetta verið eitthvað fyrir þig. Um hlutastarfandi slökkvilið er að ræða.

Menntunar- og/eða hæfniskröfur:

• Æskilegt er að umsækjendur uppfylli hæfniskröfur 13. gr. reglugerðar um starfsemi slökkviliða nr. 747/2018.
• Hafi góða líkamsburði, vera andlega og líkamlega heilbrigð, reglusöm og háttvís, hafa góða sjón og heyrn, rétta litaskynjun og vera ekki haldin lofthræðslu eða innilokunarkennd.
• Hafa iðnmenntun sem nýtist í starfi slökkviliðsmanna eða sambærilega menntun og reynslu. (Í undantekningartilvikum má víkja frá skilyrðum 2. tölul. 1. mgr. hjá slökkviliðum sem falla undir c-lið 1. mgr. 15. gr. reynist ekki unnt að fá fólk til starfa sem uppfylla skilyrði um iðnmenntun eða sambærilegt).

Að auki er æskilegt að starfandi slökkviliðsmenn uppfylli eftirtalin skilyrði:

• Aukin ökuréttindi C til að stjórna vörubifreið.
• Standast læknisskoðun og þrekpróf.
• Hafa jákvætt hugarfar og færni í mannlegum samskiptum.
• Menntun og/eða reynsla af starfi slökkviliðs- og/eða sjúkraflutningamanna er kostur.
• Vilji til að afla sér viðeigandi menntunar slökkviliðsmanna.

Fylgiskjöl með umsókn:

Prófskírteini, sakavottorð, ljósrit af ökuskírteini og ferilsskrá.

Einstaklingar af öllum kynjum eru hvattir til að sækja um starfið.

Laun eru samkvæmt gildandi kjarasamningi Launanefndar sveitarfélaga og Landssambands slökkviliðs- og sjúkraflutningamanna.

Einungis er tekið á móti rafrænum umsóknum á netfangið valurfr@hunathing.is.

Nánari upplýsingar gefur Valur Freyr Halldórsson, slökkviliðsstjóri, í síma 899-4245.

Umsóknarfrestur er til 15.mars 2025.