Húnaþing vestra leitar að áhugasömum og framsæknum einstaklingi til að sinna starfi íþrótta- og tómstundafulltrúa. Starf íþrótta- og tómstundafulltrúa er 80% og er æskilegt að umsækjandi geti hafið störf 2. janúar nk.
Helstu verkefni:
Forstöðumaður Íþróttamiðstöðvar Húnaþings vestra
Forstöðumaður Félagsmiðstöðvarinnar Óríon
Starfsmaður Ungmennaráðs
Vaktaskylda í íþróttamiðstöð og umsjón með félagsmiðstöð er hluti af skilgreindu starfshlutfalli.
Fulltrúi í Stýrihóp um forvarnir í Húnaþingi vestra
Önnur verkefni á sviði íþrótta og tómstundamála
Hæfniskröfur:
Menntun og/eða reynsla á sviði íþrótta- og/eða æskulýðsmála er æskileg.
Góð samskiptahæfni
Sjálfstæði og öguð vinnubrögð
Frumkvæði og metnaður til að ná árangri í starfi.
Rekstrar og/eða stjórnunarreynsla er æskileg.
Umsækjandi þarf að geta staðist hæfniskröfur sem gerðar eru til starfsmanna sundstaða.
Upplýsingar um starfið gefur sviðsstjóri fjölskyldusviðs Húnaþings vestra, Esther Hermannsdóttir, í síma 455-2400. Umsóknarfrestur er til 27. nóvember nk.
Umsóknum skal skilað á netfangið esther@hunathing.is eða á skrifstofu Húnaþings vestra, Hvammstangabraut 5, 530 Hvammstanga.
