Styrkur frá Lionsklúbbnum Bjarma

Á dögunum færðu félagar í Lionsklúbbnum Bjarma Brunavörnum Húnaþings vestra 400 þúsund króna styrk til búnaðarkaupa. Styrkurinn verður nýttur til kaupa á hlífðarfatnaði fyrir slökkviliðsmenn. Slíkur búnaður er nauðsynlegur til að tryggja öryggi slökkviliðsmanna á vettvangi og er mjög dýr auk þess sem gerð er krafa um endurnýjun hans á nokkura ára fresti.

Á árinu styrkti Lionsklúbburinn jafnframt Leikskólann Ásgarð um 130 þúsund kr. til búnaðarkaupa.

Við þökkum Lionsklúbbnum hjartanlega fyrir höfðinglegar gjafir en klúbburnn hefur um árabil styrkt góð málefni í héraði.

Aðal tekjuöflun Lionsklúbbsins Bjarma eru sala á páskaliljum í aðdraganda páska og uppsetning ljósakrossa á leiðum í Kirkjuhvammskirkjugarði á aðventunni. Lionsklúbburinn Bjarmi var stofnaður 1973 og hefur því starfað að velferðar- og líknarmálum í rúm 50 ár.