Tilkynning frá grunnskóla Húnaþing vestra

Skólastjórn í leik- og grunnskólanum á Borðeyri er nú sameiginleg með Grunnskóla Húnaþings vestra og Leikskólanum Ásgarði. Leikskólastjóri hefur faglega yfirumsjón með leikskólahlutanum og skólastjóri grunnskóla faglega yfirumsjón með grunnskólahlutanum. Ekki verður sérstakt skóladagatal fyrir skólastarf á Borðeyri og gildir skóladagatal Grunnskóla Húnþings vestra fyrir allt skólastarf í grunnskóla. Nemendur á Borðeyri verða á Hvammstanga alla miðvikudaga í vetur, fyrir utan miðvikudaginn 27. ágúst, fyrsta skóladaginn.

Skólasetning Grunnskóla Húnaþings vestra verður að öllum líkindum kl. 15:00  í Íþróttamiðstöð Hvammstanga þriðjudaginn 26. ágúst. Ekki verður sérstök skólasetning á Borðeyri. Nemendur fylgja  kennurum sínum í stofur eftir að skólastjóri kynnir starfsfólk og fer yfir praktísk atriði. Áætlað er að skólasetningu ljúki kl. 16:00. Ekki verður skólaakstur á skólasetningu.

Kennsla og skólaakstur hefst miðvikudaginn 27. ágúst kl. 8:30 á Hvammstanga og 9:10 á Borðeyri.

Allar nánari upplýsingar veita skólastjórnendur,

Sigurður Þór og Kristín Ólöf í síma 455 2900