Umhverfisdagur

Í tengslum við verkefnið Skólar á grænni grein sem leikskólinn Ásgarður er þátttakandi í höldum við umhverfisdag í Ásgarði 

fimmtudaginn 2. júní næst komandi.

Af því tilefni langar okkur í samstarfi við Húnaþing vestra að halda bíllausan dag á Hvammstanga.

Við hvetjum þá íbúa Hunaþings vestra sem hafa kost á því að skilja bílinn eftir heima og ganga eða hjóla til vinnu. Fyrir þá sem koma lengra að er möguleiki á að leggja við félagsheimilið og ganga þaðan eða sameinast í bíla og draga með því móti úr bílaumferð.

Vonumst til að sem flestir taki þátt með okkur í þessum degi.

Starfsfólk leikskólans Ásgarðs