1030. fundur

Afgreiðslur:

1.       2001036 Lagt fram bréf frá Mannvirkjastofnun þar sem gert er grein fyrir niðurstöðum úttektar á Brunavörnum Húnaþings vestra sem fram fór  í október 2019. Sveitarstjóra falið að fara yfir niðurstöðurnar með slökkviliðsstjóra.
2.    2001028 Lagt fram bréf frá Umhverfisstofnun um endurvinnsluhlutfall heimilisúrgangs í sveitarfélaginu. Samkvæmt gögnum Umhverfisstofnunar var endurvinnsluhlutfall heimilisúrgangs í sveitarfélaginu 36,99% árið 2018 sem er 13,01 prósentustigi frá settu markmiði 2020. Sveitarstjóra er falið að fara yfir niðurstöður Umhverfisstofnunnar með umhverfisstjóra og leita leiða til að ná settu markmiði fyrir 2020. 
3.  2001039 Félagsheimilið Víðihlíð umsókn um tækifærisleyfi.  Sveitarstjóra falið að svara erindinu.
4. 2001040 Lagt fram bréf frá Húsnæðis- og mannvirkjastofnun (HMS) þar sem fram kemur að sveitarfélög skulu skila uppfærðum húsnæðisáætlunum til HMS eigi síðar en 1. mars ár hvert. Unnið er að gerð húsnæðisáætlunar fyrir Húnaþing vestra og verður lokið fyrir 1. mars.  
5. 2001032 Lagt fram til kynningar bréf frá SSNV þar sem óskað er eftir að sveitarstjórnir tilkynni stjórn SSNV nöfn kjörinna þingfulltrúa, aðal- og varamann fyrir 1. mars ár hvert. Húnaþing vestra er með fimm fulltrúa á ársþinginu sem fram fer 17. og 18. apríl 2020, sem er fjölgun um einn fulltrúa.  
6. 2001035 Lögð fram til kynningar fundargerð 51. fundar stjórnar SSNV.
7.  2001043 Lögð fram til kynningar fundargerð 419. fundar stjórnar Hafnarsambands Íslands.
8.  2001030 Lagt fram boð á úthlutunarhátíð Uppbyggingarsjóðs Norðurlands vestra sem haldin verður í Félagsheimilinu á Hvammstanga 13. febrúar nk.   
9.  2001042 Lagt fram boð á XXXV. landsþing Sambands íslenskra sveitarfélaga sem fram fer 26. mars nk. á Grand Hótel í Reykjavík. Fulltrúar Húnaþings vestra eru Þorleifur Karl Eggertsson oddviti  og Magnús Magnússon. Til vara Ingveldur Ása Konráðsdóttir og Sigríður Ólafsdóttir.
10.  2001044 Lögð fram bókun frá stjórn Nautgriparæktarfélags Vestur-Húnavatnssýslu frá 20. janúar 2020.  „Stjórn NFVH harmar það tjón sem bændur urðu fyrir í rafmagnsleysinu fyrir jól. Nauðsynlegt er að taka saman kostnaðinn sem af því hlaust og hlúa að bændum. Mikilvægt er að BÍ og sveitarfélögin þrýsti á stjórnvöld um að finna fjármagn til að koma til móts við þann fjárhagslega skaða sem bændur urðu fyrir. Einnig er nauðsynlegt að draga lærdóm af ástandinu og leita leiða til að koma í veg fyrir að slíkt tjón skapist aftur.“  Byggðarráð þakkar erindið og tekur undir bókun stjórnar Nautgriparæktarfélags Vestur- Húnavatnssýslu.  Sveitarstjórn Húnaþings vestra vinnur nú að greiningu á afleiðingum óveðursins og aðgerðum í kjölfarið á því í samvinnu við Búnaðarsamband Húnaþings- og Stranda.  Sveitarstjórn hefur einnig verið í samtali við fulltrúa ríkisins vegna tjóns sem varð af völdum óveðursins og mun fylgja því eftir á næstu vikum.
11. 2001045   Lögð fram til kynningar skýrsla stjórnar Elds í Húnaþingi 2019.
12. 2001031   Lagt fram til kynningar bréf frá Sambandi íslenskra sveitarfélaga um viðmiðunarreglur um framlög til stjórnmálaflokka.
13. 2001047   Lögð fram til kynningar stefna Sambands íslenskra sveitarfélaga um samfélagslega ábyrgð.
14.  Þorsteinn Sigurjónsson veitustjóri kemur til fundar. Þorsteinn fór yfir störf sín og þau verkefni sem eru framundan á veitusviði.
15.  Félagsheimilið á Hvammstanga. Frestað til næsta fundar.

Fundargerð upplesin og samþykkt.                           Fundi slitið kl: 10:58