Afgreiðslur:
1. Lagt fram bréf frá Samgöngu- og sveitarstjórnarráðuneytinu. Ráðuneytið hefur unnið að yfirferð samninga sem starfað er eftir í samstarfi sveitarfélaga um land allt og lagt mat á hversu vel þeir samræmast kröfum sem gerðar eru til slíkra samninga í lögum, einkum ákvæðum er varða framsal á valdi til töku stjórnvaldsákvarðana. Yfirferð ráðuneytisins leiddi í ljós að annmarkar eru á meirihluta samninganna. Ráðuneytið gerir athugasemdir við þrjá samninga Húnaþings vestra sem varða samvinnu sveitarfélagsins við önnur sveitarfélög. Um er að ræða samninga um sameiginlegt þjónustusvæði á Norðurlandi vestra um þjónustu við fatlað fólk, samning um kosningu og rekstur á sameiginlegri barnaverndarnefnd og samning um rekstur Náttúrustofu Norðurlands vestra. Ráðuneytið beinir því til sveitarfélagsins að það yfirfari framangreinda samninga og upplýsi ráðuneytið um þá vinnu fyrir 15. nóvember nk. Sveitarstjóra falið að yfirfara samningana í samvinnu við samstarfssveitarfélög.
2. Lagt fram til kynningar bréf frá Umboðsmanni barna þar sem umboðsmaður beinir þeim tilmælum til sveitarfélaga að líta til markmiðs æskulýðslaga um hlutverk og tilgang ungmennaráða og tryggja að sjónarmið barna undir 18 ára fái vægi í töku ákvarðana og mótun stefnu í málefnum sem varða þau.
3. Lögð fram til kynningar skýrsla um stöðumat og undirbúning á stafrænni vegferð sveitarfélaga ásamt úttekt á stöðu tæknilegra innviða sveitarfélaga. Byggðarráð telur mikilvægt að sveitarfélagið fylgist vel með stafrænni þróun, verði virkur þátttakandi og nýti nútímatækni til að bæta þjónustu og samskipti við íbúa.
4. Lögð fram til kynningar úttekt á málefnum fatlaðs fólks á Norðurlandi vestra sem unnin er af HLH ráðgjöf.
5. Akstur leikskólabarna. Fyrir fundinum lágu fundargerðir nefndar um ágreining um framkvæmd skólaaksturs ásamt athugasemdum skólabílstjóra. Boðað hefur verið til fundar með skólabílstjórum föstudaginn 4. september.
6. a) Lagt fram bréf frá Rannveigu A. Hjartardóttur frá 24. ágúst sl. þar sem hún óskar eftir námsstyrk vegna B.A. náms í sálfræði. Í 2. gr. reglna um námsstyrki til starfsmanna Húnaþings vestra kemur fram að umsóknir skulu berast byggðarráði fyrir 15. júní ár hvert, ásamt umsögn viðkomandi yfirmanns og staðfestingu um skólavist. Byggðarráð getur ekki orðið við erindinu.
b) Lagt fram bréf frá Ellý Rut Halldórsdóttur frá 28. ágúst sl. þar sem hún óskar eftir námsstyrk vegna B.Ed náms í kennarafræðum. Í 2. gr. reglna um námsstyrki til starfsmanna Húnaþings vestra kemur fram að umsóknir skulu berast byggðarráði fyrir 15. júní ár hvert, ásamt umsögn viðkomandi yfirmanns og staðfestingu um skólavist. Byggðarráð getur ekki orðið við erindinu.
Bætt á dagskrá.
7. Lögð fram lokaskýrsla vegna styrkveitingar sem Sonja Líndal Þórisdóttir fékk úthlutað úr Atvinnu- og nýsköpunarsjóði Húnaþings vestra fyrir verkefnið Hestatannlæknirinn. Byggðarráð samþykkir skýrsluna og að eftirstöðvar styrksins verði greiddar út.
Fundargerð upplesin og samþykkt. Fundi slitið kl. 15:43
___________________________ ___________________________
Ingveldur Ása Konráðsdóttir. Sveinbjörg Rut Pétursdóttir.
___________________________ ___________________________
Magnús Magnússon. Ragnheiður Jóna Ingimarsdóttir.
