Afgreiðslur:
1. 2103063 Umsókn um lóðina Garðarströð 5. Óskar Hallgrímsson sækir um lóðina Garðarströð 5. Byggðarráð samþykkir ofangreinda umsókn.
2. 2103064 Umsókn um lóðina Garðarströð 7. Tómas Örn Daníelsson sækir um lóðina að Garðarströð 7. Byggðarráð samþykkir ofangreinda umsókn.
3. Bréf frá stjórn Elds í Húnaþingi. Stjórn Elds í Húnaþingi 2021 óskar eftir að fá að funda í húsnæði Félagsheimilisins á Hvammstanga vegna undirbúnings fyrir hátíðina Eldur í Húnaþingi. Byggðarráð felur sveitarstjóra að funda með stjórninni varðandi samning um notkun á félagsheimilinu vegna Elds í Húnaþingi.
4. 2103054 Veiðifélag Arnarvatnsheiðar og Tvídægru aðalfundarboð. Aðalfundur Veiðifélags Arnarvatnsheiðar og Tvídægru verður haldinn í Ásbyrgi þriðjudaginn 6. apríl nk. Byggðarráð samþykkir að sveitarstjóri verði fulltrúi Húnaþings vestra á fundinum og oddviti til vara.
5. Lífeyrissjóðurinn Stapi ósk um tilnefningu í fulltrúaráð. Lagt fram erindi frá Samtökum atvinnulífsins sem óska eftir því að sveitarfélagið taki tilnefningu í fulltrúaráð Lífeyrissjóðsins Stapa. Byggðarráð tekur tilnefningunni og skipar sveitarstjóra fyrir hönd sveitarfélagsins.
6. Fundargerð 433. fundar stjórnar Hafnarsambands Íslands lögð fram til kynningar.
7. Ársreikningur Hafnarsambands Íslands lagður fram til kynningar.
8. Stöðuskýrsla uppbyggingarteymis. Lögð fram til kynningar stöðuskýrsla nr. 12 til ráðgefandi aðila frá teymi um uppbyggingu félags- og atvinnumála í kjölfar COVID-19.
Samþykkt að taka á dagskrá:
9. Umboð.
Byggðarráð veitir sveitarstjóra fullt og ótakmarkað umboð til að selja eignarhlut sveitarfélagsins í Kirkjuvegi 10 og 12, sem Ríkiseignir eiga að helmingi með Húnaþingi vestra.
10. Ína Björk Ársælsdóttir umhverfisstjóri kemur til fundar til að fara yfir starfsemi vinnuskólans á komandi sumri. Byggðarráð þakkar Ínu Björk fyrir greinargóða yfirferð.
Fundargerð upplesin og samþykkt.
Fundi slitið kl. 15:25
