Afgreiðslur:
1. 2201056 Brunavarnir Húnaþings vestra, ársskýrsla 2021.
Lögð fram til kynningar ársskýrsla Brunavarna Húnaþings vestra fyrir árið 2021. Jóhannes Kári Bragason slökkviliðsstjóri sat fundinn undir þessum dagskrárlið. Byggðarráð þakkar Jóhannesi Kára greinargóða yfirferð.
2. Heiðarskálar Víðidalstunguheiði, tillaga að gjaldskrá.
Lögð fram tillaga að gjaldskrá fyrir heiðarskála Víðidalstunguheiðar.
Byggðarráð samþykkir fyrirliggjandi gjaldskrá og vísar til staðfestingar sveitarstjórnar.
3. 2110050 Bréf frá Selasetri Íslands.
Lagt fram bréf frá Selasetri Íslands dagsett 26. janúar sl. þar sem Selasetrið upplýsir um fyrirhugaðan opnunartíma upplýsingamiðstöðvarinnar árið 2022. Byggðarráð þakkar Selasetri Íslands fyrir upplýsingarnar og felur sviðsstjóra fjármála- og stjórnsýslusviðs að greiða út fjárhagsstuðning til Selasetursins í samræmi við samkomulag frá árinu 2018.
4. 2201058 Tjaldsvæðið á Borðeyri, skýrsla sumarsins 2021.
Lögð fram til kynningar skýrsla rekstraraðila tjaldsvæðisins á Borðeyri vegna sumarsins 2021.
5. 2108031 Ósk um launalaust leyfi.
Lögð fram beiðni Mariu Gaskell um launalaust leyfi tímabilið 17. janúar – 25. mars 2022 vegna persónulegra ástæðna.
Byggðarráð samþykkir að veita Mariu tímabundið launalaust leyfi tímabilið 17. janúar – 25. mars 2022.
6. Atvinnu- og nýsköpunarsjóður. Lögð fram lokaskýrsla Kidka ehf. Byggðarráð samþykkir fyrirliggjandi skýrslu og felur sviðsstjóra fjármála- og stjórnsýslusviðs að greiða seinnihluta styrkveitingarinnar.
Fundargerð upplesin og samþykkt. Fundi slitið kl. 11:13
