Formaður óskaði eftir að taka á dagskrá sem 7. dagskrárlið Uppgjör rjúpna- og gæsaveiða. Samþykkt samhljóða.
1. Fjárhagsáætlun 2025 - 2408023
Sveitarstjóri fór yfir fjárhagsramma ráðsins fyrir árið 2025.
Júlíus Guðni Antonsson kom til fundar kl. 13.20.
2. Skýrsla búfjáreftirlitsmanns árið 2024 - 2411057
Júlíus Guðni Antonsson, búfjáreftirlitsmaður gerði grein fyrir störfum sínum á árinu.
Skráð voru 22 atvik vegna búfjáreftirlits á árinu, helmingur vegna hrossa og helmingur vegna sauðfjár.
Landbúnaðarráð þakkar Júlíusi Guðna fyrir greinagóða yfirferð.
3. Skýrsla veiðivarðar vegna gæsa- og rjúpnaveiða haustið 2024 - 2408006
Júlíus Guðni Antonsson veiðivörður gerði grein fyrir störfum sínum á nýliðnu veiðitímabili.
Veiðieftirlitið gekk vel árið 2024. Farnar voru þrjár eftirlitsferðir á Víðidalstunguheiði og ein á Arnarvatnsheiði, allar vegna rjúpnaveiða. Ekki þurfti að hafa afskipti af veiðimönnum í þessum ferðum. Veginum fram á Víðidalstunguheiði var lokað eina helgi vegna bleytu. Almennt virðist vera ánægja með fyrirkomulag veiðanna, stjórn og vöktun sveitarfélagsins á svæðinu.
Landbúnaðarráð þakkar Júlíusi Guðna greinagóða yfirferð.
Júlíus Guðni Antonsson vék af fundi kl. 13.44.
4. Vetrarveiði á ref veturinn 2024-2025 - 2409085
Lagðar fram umsóknir um vetrarveiði á ref veturinn 2024-2025. Auglýst var eftir veiðimönnum á þau tvö svæði sem ekki höfðu borist umsóknir um. Eftirfarandi umsóknir bárust:
Hannes Hilmarsson vegna veiða í vestanverðum Hrútafirði.
Björn Viðar Unnsteinsson vegna veiða í Vesturhópi.
Landbúnaðarráð felur sveitarstjóra að gera samninga við framangreinda umsækjendur.
5. Uppgjör styrkvega 2024 - 2406059
Lagt fram á 214. fundi ráðsins. Uppgjörið hefur verið sent til Vegagerðarinnar.
6. Uppgjör heiðagirðinga 2024 - 2402064
Lagt fram á 214. fundi ráðsins.
7. Uppgjör rjúpna- og gæsaveiða 2024 - 2412008
Lagt fram til kynningar uppgjör rjúpna- og gæsaveiða 2024.
Fundargerð upplesin og samþykkt Fundi slitið kl. 13:55.
