Dagskrá:
1. Tillaga um hönnun endurbóta á eldhúsum í 12 eldri íbúðum í Nestúni.
2. Frekari íbúðabyggingar fyrir 60 ára og eldri.
3. Skipulag félagsstarfs fyrir 60 ára og eldri.
4. Hugmynd um vikulegar söngstundir fyrir eldra fólk.
5. Kynning á starfi félags trérennismiða á Íslandi.
Afgreiðslur:
1. Öldungaráð Húnaþings vestra beinir þeim eindregnu tilmælum til sveitarstjórnar Húnaþings vestra að þegar í upphafi næsta árs verði leitast við að hanna endurbætur á 12 eldri íbúðum í Nestúni. Sérstakar áherslur verði á eldhús og bað í þá veru að þær henti betur þeim kröfum sem gerðar eru til slíkra íbúða nú á dögum. Í framhaldi verði gengið skipulega í breytingar og stefnt að því að ljúka þeim sem fyrst í góðu samráði við leigjendur.
2. Sveitastjóri mætti á fundinn og greindi frá samstarfi við leigufélagið Bríeti um uppbyggingu leigu- og söluíbúða í Húnaþingi vestra.
3. Umræður um félagsstarf eldri borgara í Húnaþingi vestra og hugmyndir að nýju félagsstarfi. Starfsmönnum fjölskyldusviðs falið að taka saman það félagsstarf sem í boði er fyrir fullorðna á vegum sveitarfélagsins og félagi eldri borgara og auglýsa í Sjónauka.
4. Lagt er til að koma á reglulegum söngstundum einu sinni í viku.
5. Lesið var bréf frá félagi trérennismiða og mælt með að fá kynningu á starfinu eftir áramót.
Fleira ekki tekið fyrir.
Fundargerð upplesin og fundi slitið kl. 16.05
