Framboðsfrestur til kosninga til sveitarstjórnar Húnaþings vestra er til kl. 12:00 á hádegi 8. apríl 2022.

Framboðslistum ásamt nauðsynlegum fylgigögnum skal skila til formanns kjörstjórnar, Ragnheiðar Sveinsdóttur samkvæmt samkomulagi. Á framboðslista skal tilgreina skýrlega nafn frambjóðanda, lögheimili, kennitölu og stöðu eða starfsheiti hans til þess að enginn vafi geti leikið á því hverjir eru í kjöri.

Nánari leiðbeiningar fyrir framboðslista má finna á vefnum kosning.is.

Einnig veitir formaður kjörstjórnar upplýsingar í síma 895-1905 eða á netfanginu ragga@skoli.hunathing.is

Kjörstjórn mun úrskurða um gild framboð föstudaginn 8. apríl kl. 17:00 og auglýsa þau í framhaldinu í samræmi við ákvæði laga. Umboðsmenn lista verða boðaðir á fund kjörstjórnar á sama tíma.

Kjörfundur verður haldinn í Félagsheimilinu Hvammstanga 14. maí frá kl. 9:00 - 22:00. Nánar auglýst síðar.

Kjörstjórn Húnaþings vestra