Fræðsluráð

Lögð fram beiðni skólastjóra leikskóla um breytingu á skóladagatali ásamt rökstuðningi. Vilji starfsmanna og foreldra hefur verið kannaður og ekki andstaða við breytingarnar sem snúa að því að heilum starfsdögum verði fækkað og í stað þeirra verði fundartími fyrsta mánudag í mánuði frá 8:00 - 10:00 og leikskóli þar með lokaður á þeim tíma. Fræsluráð samþykkir breytingu á skóladagatali 2024-2025.

Íþrótta- og tómstundafulltrúi boðaði forföll en sviðsstjóri fjölskyldusviðs fór yfir helstu áhersluþætti framundan í starfi íþróttamiðstöðvar og félagsmiðstöðvar samkvæmt samantekt frá íþrótta- og tómstundafulltrúa.

Sviðsstjóri fjölskyldusviðs kynnti forvarnaáætlun Norðurlands vestra sem fengið hefur heitið ForNor og hægt er að nálgast á heimasíðu sveitarfélagsins.

Farið yfir starfsáætlun fræðsluráðs fyrir starfsárið.

Sviðsstjóri fjölskyldusviðs fór yfir helstu verkefni fjölskyldusviðs. Þar má nefna vinnu við endurmenntunaráætlun, undirbúning samfélagsmiðstöðvar, tæknismiðju (FabLab) og störf tengslafulltrúa, rafræn eyðublöð, Krakkasveifluna, stuðningsáætlanir o.fl.
Mál til afgreiðslu og í vinnslu eru 70 og einstaklingsmál eru 76. Farið var yfir helstu verkefni munnlega og til kynningar.