Félagsmálaráð

Fundargerðir farsældarteymis lagðar fram til kynningar.

Engar umsóknir bárust frá íbúum í Nestúni um íbúð 101. Farið yfir aðrar umsóknir sem liggja fyrir um íbúðir í Nestúni. Félagsmálaráð samþykkir að úthluta Margréti H.Guðmundsdóttur íbúð 101. Ekki liggur fyrir hvenær íbúðin verður laus en gert ráð fyrir að það verði í vor.

Lögð fram drög að endurskoðun á reglum um fjárhagsaðstoð og minnisblað sem tekur saman helstu breytingar á núgildandi reglum Húnaþings vestra frá 2012. Grunnur að breytingum á reglum um fjárhagsaðstoð er breytt regluverk þegar kemur að aðstoð við innflytjendur og endurgreiðslur frá ríkinu s.br. Reglur um fjárhagsaðstoð sveitarfélaga, í sérstökum tilvikum, við erlenda ríkisborgara og endurgreiðslur fjárhagsaðstoðar úr ríkissjóði nr. 520/2021 og breytingar á 15. gr. laga nr. 40/1991 um félagsþjónustu sveitarfélaga.
Fjölskyldusvið hefur aflað upplýsinga um breytingar og útfærslur annarra sveitarfélaga sem uppfært hafa reglur um fjárhagsaðstoð og tillögurnar í samræmi við það. Félagsmálaráð samþykkir framlögð drög og vísar þeim til afgreiðslu sveitarstjórnar.

Lagðar fram til kynningar teikningar af innréttingum vegna fyrirhugaðra endurbóta á íbúðum í Nestúni. Teikningarnar eru að flestu leyti í samræmi við ábendingar eldri borgara um fyrirkomulag og búnað í eldhúsum.

Sviðsstjóri fjölskyldusviðs fór yfir helstu verkefni fjölskyldusviðs frá síðasta fundi. Almenn mál til meðferðar og afgreiðslu eru 42 og einstaklingsmál 54.