Landbúnaðarráð

Sveitarstjóri fór yfir fjárhagsramma ráðsins fyrir árið 2025.

Júlíus Guðni Antonsson, búfjáreftirlitsmaður gerði grein fyrir störfum sínum á árinu.

Skráð voru 22 atvik vegna búfjáreftirlits á árinu, helmingur vegna hrossa og helmingur vegna sauðfjár.

Landbúnaðarráð þakkar Júlíusi Guðna fyrir greinagóða yfirferð.

Júlíus Guðni Antonsson veiðivörður gerði grein fyrir störfum sínum á nýliðnu veiðitímabili.

Veiðieftirlitið gekk vel árið 2024. Farnar voru þrjár eftirlitsferðir á Víðidalstunguheiði og ein á Arnarvatnsheiði, allar vegna rjúpnaveiða. Ekki þurfti að hafa afskipti af veiðimönnum í þessum ferðum. Veginum fram á Víðidalstunguheiði var lokað eina helgi vegna bleytu. Almennt virðist vera ánægja með fyrirkomulag veiðanna, stjórn og vöktun sveitarfélagsins á svæðinu.

Landbúnaðarráð þakkar Júlíusi Guðna greinagóða yfirferð.

Lagðar fram umsóknir um vetrarveiði á ref veturinn 2024-2025. Auglýst var eftir veiðimönnum á þau tvö svæði sem ekki höfðu borist umsóknir um. Eftirfarandi umsóknir bárust:

Hannes Hilmarsson vegna veiða í vestanverðum Hrútafirði.
Björn Viðar Unnsteinsson vegna veiða í Vesturhópi.

Landbúnaðarráð felur sveitarstjóra að gera samninga við framangreinda umsækjendur.

Lagt fram á 214. fundi ráðsins. Uppgjörið hefur verið sent til Vegagerðarinnar.

Lagt fram á 214. fundi ráðsins.

Lagt fram til kynningar uppgjör rjúpna- og gæsaveiða 2024.