Öldungaráð

Byggingar- og skipulagsfulltrúi kynnti hugmyndir að lífsgæðakjarna. Öldungaráð fagnar hugmyndavinnu um lífsgæðakjarna neðan við Nestún og styður tillögur að skipulagi.

Sviðsstjóri sagði frá hugmyndavinnu um endurbætur á íbúðum í Nestúni. Öldungaráð áréttar einnig um nauðsyn góðra hálkuvarna við Nestún og að fjölgun bílastæða verði flýtt eins og kostur er.

Öldungaráð vill minna á bekkjarkort sem unnin voru fyrir nokkru og hvetur sveitarstjórn til að huga að fjölgun bekkja. Einnig minnir öldungaráð á að ekki hefur verið gengið frá bekk sem gefinn var af kvenfélagi. Öldungaráð leggur til að Jóna Halldóra Tryggvadóttir, Kristbjörg Gunnarsdóttir og Sigurður Þór Ágústsson fundi með umhverfissviði um málið.

Sviðsstjóri kynnti drög að stefnu um vellíðan án tóbaks, áfengis og annarra vímuefna. Öldungaráð fagnar stefnu í málaflokknum og leggur áherslu á að kynna íþrótta- og tómstundastarf að hausti.

Henrike Wappler greindi frá stöðu verkefnisins Gott að eldast. Samþætt þjónusta hófst 1. janúar 2025. Nýjung í þjónustunni er heimaendurhæfing til að auka virkni og tengslaráðgjöf gegn félagslegri einangrun. Nýtt rými í eldri hluta sjúkrahúss verður tekið í notkun fjótlega. Kvöld- og helgarþjónusta er ekki hafin. Öldungaráð fagnar því að verkefnið er komið af stað.