Spurningalistar heilsueflandi og barnvæns samfélags

Yfirfarinn spurningalisti fyrir heilsueflandi sveitarfélög og grunnlína dregin. Á næsta fundi verða spurningalistar um barnvæn sveitarfélög yfirfarin.

Farið var yfir spurningalista um barnvænt samfélag og þeim svarað. Sviðsstjóra fjölskyldusviðs falið að taka saman helstu niðurstöður og undirbúa aðgerðaáætlun. Stefnt er að næsta fundi í haust.

Sviðsstjóri fjölskyldusviðs fór yfir skýrslu um stöðu innleiðingar á barnvænu og heilsueflandi sveitarfélagi.
Stýrihópurinn samþykkir að fyrsti áfangi aðgerðaráætlunar verði stefnumörkun í þættinum Vellíðan án tóbaks, áfengis og annarra vímuefna. Einnig verður farið yfir spurningalista og þær spurningar teknar út sem ekki eiga við Húnaþing vestra. Sviðsstjóra er falið að gera drög að aðgerðaráætlun og stefnu. Samþykkt að skýrsla um stöðu verkefnisins verði birt á heimasíðu sveitarfélagsins.

Lögð fram drög að stefnu um vellíðan án áfengis, tóbaks og annarra vímuefna. Stýrihópurinn vísar drögunum til afgreiðslu byggðarráðs.

Starfshópur um barnvænt- og heilsueflandi sveitarfélag hefur fjallað um drög að stefnu Húnaþings vestra um vellíðan án tóbaks, áfengis og annarra vímuefna til ársins 2029. Í samræmi við tillögur sviðsstjóra fjölskyldusviðs sem fylgja drögum að stefnunni samþykkir byggðarráð að drögin verði send til efnislegrar umfjöllunar í fræðsluráði, félagsmálaráði og öldungaráði. Einnig að þau verði send húsnefndum félagsheimilanna Víðihlíðar og Ásbyrgis ásamt húsnefnd Hamarsbúðar. Jafnframt er samþykkt að drögin verði sett í opið samráð á heimasíðu sveitarfélagsins.

Lögð fram drög að stefnu um vellíðan án tóbaks, áfengis og annarra vímuefna. Félagsmálaráð bendir á að skoða þarf lög og reglugerðir um aldurstakmark, hvort farið er eftir fæðingarári eða fæðingardegi en gerir ekki aðrar athugasemdir við drög að stefnu.

Fræðsluráð fagnar drögum að stefnunni en leggur áherslu á að takmarkanir snúi að starfi með börnum og ungmennum.

Sviðsstjóri kynnti drög að stefnu um vellíðan án tóbaks, áfengis og annarra vímuefna. Öldungaráð fagnar stefnu í málaflokknum og leggur áherslu á að kynna íþrótta- og tómstundastarf að hausti.