Byggðarráð

Tilboð í jörðina Engjabrekku voru opnuð þann 26. mars 2024.
Þrjú tilboð bárust:
Frá Ásmundi Ingvarssyni, kr. 8.111.111.-
Frá Lofti Sveini Guðjónssyni, kr. 10.200.000.-
Frá Þórarni Inga Ólafssyni, kr. 4.150.000.-
Byggðarráð samþykkir að ganga að tilboði hæstbjóðanda. Byggðarráð veitir Unni Valborgu Hilmarsdóttur sveitarstjóra, kt. 160673-3119, fullt og ótakmarkað umboð til að selja fyrir hönd Húnaþings vestra jörðina Engjabrekku fastanr. 2134708. Umboðið nær til undirritunar allra nauðsynlegra skjala vegna sölu á framangreindri eign.

Lagt fram minnisblað frá sveitarstjóra með tillögu að vinnulagi við gerð þjónustustefnu Húnaþings vestra í samræmi lög nr. 96/2021 sem kveða á um að sveitarfélög skuli setja sér þjónustustefnu fyrir byggðir og byggðarlög sveitarfélags. Byggðarráð samþykkir tillöguna sem gengur út á að þjónustustefna verði samþykkt samhliða fjárhagsáætlun ársins 2025 í nóvember 2024. Sveitarstjóra er falið að vinna málið áfram.

Lögð fram beiðni stjórnarformanns Bjarmahlíðar. Ekki er unnt að verða við beiðninni á árinu 2024 en henni er vísað til fjárhagsáætlunargerðar ársins 2025.

Lögð fram niðurstaða könnunar á tillögum að slagorði fyrir Húnaþing vestra. Lagðar voru fram fimm tillögur sem fram komu í íbúakönnun sem unnin var haustið 2023. Tillögurnar voru:
Húnaþing vestra - allt til alls
Húnaþing vestra - heimkynni hamingjunnar
Húnaþing vestra - höfðingi heim að sækja
Húnaþing vestra - lifandi samfélag
Húnaþing vestra - þar sem gott er að vera
Flest atkvæði í könnuninni fékk tillagan Húnaþing vestra - lifandi samfélag.
Byggðarráð samþykkir að Húnaþing vestra - lifandi samfélag verði slagorð sveitarfélagsins.

Elín Jóna Rósinberg, sviðsstjóri fjármála- og stjórnsýslusviðs fór yfir niðurstöðu launagreiningar fyrir árið 2023. Er greiningin hluti af úttekt jafnlaunavottunar sem nú stendur yfir. Byggðarráð þakkar sviðsstjóra greinargóða yfirferð.

Lögð fram beiðni Félags eldri borgara í Húnaþing vestra um að sveitarfélagið skipi aðila í starfshóp með það hlutverk að vinna að uppbyggingu lífsgæðakjarna fyrir eldri borgara á Miðtúnsreit á Hvammstanga. Byggðarráð fagnar framtakinu og skipar Unni Valborgu Hilmarsdóttur, sveitarstjóra, í starfshópinn.

Lögð fram til kynningar.

Ekki þykir ástæða til umsagnar um málið.

Elín Jóna Rósinberg, sviðsstjóri fjármála- og stjórnssýslusviðs, fór yfir drög að ársreikningi sveitarsjóðs Húnaþings vestra og undirfyrirtækja fyrir árið 2023. Byggðarráð samþykkir ársreikninginn og vísar til afgreiðslu sveitarstjórnar.