Byggðarráð

Lögð fram drög að starfsáætlun byggðarráðs fyrir árið 2024. Byggðarráð samþykkir drögin.

Lögð fram drög að húsnæðisáætlun Húnaþings vestra fyrir árin 2024-2033. Byggðarráð samþykkir drögin og vísar þeim til afgreiðslu sveitarstjórnar.

Lögð fram drög að endurskoðaðri stefnu og viðbragðsáætlun gegn einelti, áreitni og ofbeldi. Byggðarráð samþykkir að drögin verði sett í opið samráð á heimasíðu sveitarfélagsins.

Byggðarráð samþykkir sölu á bifreiðinni YB-350 sem er Toyota Hiace sem notaður hefur verið fyrir vinnuskóla.

Lögð fram drög að reglum um sölu á lausafé Húnaþings vestra og undirstofnana. Reglurnar eru settar til að samræmis sé gætt við ráðstöfun á lausafé það sem ekki eru not fyrir hjá sveitarfélaginu og að hagsmunum sveitarfélagsins sé gætt við ráðstöfun þess. Jafnframt til að jafnræðis sé gætt við sölu lausafjármuna og að sem flestir áhugasamir hafi tækifæri til að bjóða í viðkomandi hluti. Byggðarráð samþykkir reglurnar og vísar þeim til afgreiðslu sveitarstjórnar.

Með dómi Héraðsdóms Reykjaness, uppkveðnum hinn 5. desember 2023, í máli nr. E-960/2023 var Húnaþing vestra sýknað af öllum kröfum stefnanda sem fór fram á að viðurkennt yrði með dómi að sveitarfélagið væri skaðabótaskylt gagnvart honum vegna ráðningar í starf sviðsstjóra fjölskyldusviðs í apríl 2022. Þá var þess krafist að sveitarfélagið yrði dæmt til að greiða 4.000.000 kr. í miskabætur, auk dráttarvaxta og málskostnaðar. Lögmaður stefnanda hefur nú áfrýjað dómnum til Landsréttar. Lögmönnum Húnaþings vestra er falið að taka til varna og annast málið fyrir hönd sveitarfélagsins.

Lögð fram til kynningar.

Ekki þykir ástæða til umsagnar um málið.

Reykjahöfði ehf. sækir um lóðina Kirkjuhvammsveg 4 á Hvammstanga. Byggðarráð samþykkir að úthluta lóðinni Kirkjuhvammsvegi 4 til Reykjahöfða ehf.

Áður á dagskrá 1196. fundar byggðarráðs. Lögð fram drög að endurnýjuðum leigusamningi til fimm ára við Indriða Karlsson vegna leigu á túni og beitarlandi í landi Ytri-Valla. Byggðarráð samþykkir samninginn og vísar honum til afgreiðslu sveitarstjórnar.

Áður á dagskrá 1196. fundar byggðarráðs. Lögð fram drög að endurnýjuðum leigusamningi til fimm ára við Aðalheiði Sveinu Einarsdóttur vegna leigu á beitarlandi í landi Ytri-Valla. Byggðarráð samþykkir samninginn og vísar honum til afgreiðslu sveitarstjórnar.