Félagsmálaráð

Fundargerð 23. fundar farsældarteymis lögð fram til kynningar.

Lagt fram bréf frá Gæða- og eftirlitstofnun um frumkvæðisathugun á reglum sveitarfélaga um stoð- og stuðningsþjónustu. Einnig lagt fram svarbréf fjölskyldusviðs sem að hluta til er samræmt með Skagafirði vegna samstarfs um málefni fatlaðs fólks. Ekki er alveg lokið að uppfæra allt regluverk samkvæmt athuguninni en er í vinnslu.

Henrike Wappler greindi frá vinnu vegna verkefnisins Gott að eldast. Kynningarfundur verður haldinn þann 15. apríl kl. 16:15 í Félagsheimili Hvammstanga fyrir íbúa.

Sviðsstjóri fjölskyldusviðs kynnti nýja rafræna íbúagátt sem verið er að koma upp. Hún verður aðgengileg þegar öll umsóknareyðublöð hafa verið sett í gáttina.

Sviðsstjóri fjölskyldusviðs kynnti verkefnið Öruggara Norðurland sem er samstarfsverkefni Lögreglustjóra á Norðurlandi vestra, sýslumannsins á Norðurlandi vestra, sveitarfélaganna Húnaþings vestra, Húnabyggðar, Skagabyggð, Skagastrandar og Skagafjarðar, Húnavatns- og Skagafjarðarprófastsdæmis, Heilbrigðisstofnunar Norðurlands, Heilbrigðisstofnunar Vesturlands, Fjölbrautaskóla Norðurlands vestra ásamt ungmennafélögunum USAH, USVH og UMSS sem hafa ákveðið að vinna saman gegn ofbeldi, öðrum afbrotum og að bættri þjónustu undir heitinu Öruggara Norðurland vestra.