Sveitarstjórn

Málsnúmer 2408005FVakta málsnúmer

• 1.1 2406028 Forgangsverkefni áfangastaðaáætlunar Norðurlands 2024
  Byggðarráð - 1222 Auglýst var eftir tillögum að forgangsverkefnum með auglýsingu á heimasíðu sveitarfélagsins. Engar tillögur bárust. Byggðarráð samþykkir óbreytt forgangsverkefni frá fyrra ári. Þau eru Vatnsnes, Borðeyri, Reykir í Hrútafirði, Kolugljúfur og stígakerfi milli Laugarbakka, Hvammstanga og Kirkjuhvamms.
  
• 1.2 2408001 Starf sviðsstjóra umhverfis-, veitu- og framkvæmdasviðs
  Byggðarráð - 1222 Starf sviðsstjóra umhverfis-, veitu- og framkvæmdasviðs var auglýst laust til umsókar með umsóknarfresti til 15. júlí 2024. Tekin voru viðtöl við þrjá stigahæstu umsækjendurna og eftir seinna viðtal var þeim umsækjanda sem metinn var hæfastur boðið starfið. Viðkomandi þáði starfið ekki og dró sig til baka úr ferlinu. Aðrir umsækjendur sem boðaðir voru til viðtals þóttu ekki mæta hæfniskröfum á sambærilegan hátt og sá umsækjandi sem boðið var starfið. Byggðarráð samþykkir að hætta við ráðningu og auglýsa starfið aftur án breytinga. Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 1.3 2408027 Eftirlitsmyndavélar lögreglu á Norðurlandi vestra
  Byggðarráð - 1222 Lagt fram erindi frá Lögreglustjóranum á Norðurlandi vestra um uppsetningu öryggismyndavéla í umdæminu. Er óskað eftir tilnefningu í starfshóp vegna verkefnisins. Byggðarráð tilnefnir Unni Valborgu Hilmarsdóttur, sveitarstjóra í starfshópinn. Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 1.4 2408030 Starf slökkviliðsstjóra
  Byggðarráð - 1222 Lagt fram minnisblað sveitarstjóra þar sem lögð er fram tillaga að auknu starfshlutfalli slökkviliðsstjóra, úr 50% í 75% sem taki gildi frá og með 1. október 2024. Byggðarráð samþykkir breytinguna enda rúmast hún innan fjárhagsáætlunar 2024. Núverandi slökkviliðsstjóri var ráðinn til eins árs í september 2023 og er ráðningartími hans því að renna út. Sveitarstjóra er falið að auglýsa starfið laust til umsóknar. Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 1.5 2409001 Kynningarmál árið 2024
  Byggðarráð - 1222 Lagt fram minnisblað sveitarstjóra varðandi ráðstöfun fjármuna til kynningarmála sem gert var ráð fyrir á fjárhagsáætlun ársins 2024. Byggðarráð samþykkir framlagða tillögu sem felst í framleiðslu myndbanda til birtingar á samfélagsmiðlum sem vekja athygli á Húnaþingi vestra sem ákjósanlegum búsetukosti. Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 1.6 2409002 Stuðningur Húnvetningafélagsins í Reykjavík við Byggðasafnið á Reykjum
  Byggðarráð - 1222 Lagt fram erindi frá Húnvetningafélagi Reykjavíkur þar sem fram kemur að félagið hyggist beita sér fyrir úrbótum í bruna- og öryggismálum Byggðasafns Húnvetninga og Strandamanna á Reykjum í Hrútafirði. Í erindinu kemur fram að aðalfundur félagsins hafi heimilað stjórn þess að verja allt að 10 milljónum króna til verkefnisins. Félagið kom að stofnun safnsins og hefur síðan látið sig málefni þess varða. Byggðarráð þakkar félaginu sýndan hlýhug í garð safnsins og rausnarlega gjöf. Bókun fundar Sveitarstjórn tekur undir þakkir til Húnvetningafélagsins í Reykjavík, en gjöfin sýnir mikinn hlýhug í garð Byggðasafnsins á Reykjum. Gjöfin mun sannarlega skipta sköpum við úrbætur á bruna- og öryggismálum safnsins.
• 1.7 2409017 Viðverustefna Húnaþings vestra
  Byggðarráð - 1222 Lögð fram drög að viðverustefnu Húnaþings vestra. Byggðarráð samþykkir að drögin, með áorðnum breytingum, verði sett í samráð meðal starfsmanna sveitarfélagsins. Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 1.8 2408028 Fundargerð 111. fundar stjórnar SSNV, 20. ágúst 2024
  Byggðarráð - 1222 Lögð fram til kynningar.
• 1.9 2409018 Fundargerð 112. fundar stjórnar SSNV. frá 3. september 2024
  Byggðarráð - 1222 Lögð fram til kynningar.
• 1.10 2409022 Starfsmannamál
  Byggðarráð - 1222 Fært í trúnaðarbók.

Málsnúmer 2409001FVakta málsnúmer

• 2.1 2408023 Fjárhagsáætlun 2025 - gjaldskrár
  Byggðarráð - 1223 Farið var yfir helstu forsendur gjaldskráa fyrir árið 2025.
• 2.2 2408023 Fjárhagsáætlun 2025 - frístundakort
  Byggðarráð - 1223 Lögð fram eftirfarandi tillaga:
  "Fjárhæð frístundakorts verði kr. 25.000 árið 2025 fyrir börn frá fæðingu að 18. aldursári."
  
  Tillagan borin undir atkvæði og samþykkt með 6 atkvæðum. Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 2.3 2408023 Fjárhagsáætlun 2025 - starfsáætlanir forstöðumanna
  Byggðarráð - 1223 Lagðar fram til kynningar starfsáætlanir forstöðumanna fyrir árið 2025.
  
  Byggðarráð þakkar forstöðumönnum fyrir greinargóðar áætlanir sem sýna glöggt faglegan metnað fyrir stofnunum þeirra.

Málsnúmer 2408003FVakta málsnúmer

• 3.1 2404072 Athugun á upplýsingum um þjónustu við fatlað fólk á vefsíðum sveitarfélaga
  Félagsmálaráð - 256 Sviðsstjóri fjölskyldusviðs kynnti breytingar á upplýsingum á heimasíðu Húnaþings vestra í kjölfar athugunar Gæða- og eftirlitsstofnunar.
• 3.2 2310067 Fundargerðir farsældarteymis
  Félagsmálaráð - 256 Fundargerðir farsældarteymis lagðar fram til kynningar.
• 3.3 2404097 frumkvæðisathugun á þjónustu í búsetuúrræðum fatlaðs fólks
  Félagsmálaráð - 256 Sviðsstjóri fjölskyldusviðs kynnti frumkvæðisathugun á þjónustu í búsetuúrræðum fyrir fatlað fólk. Málið er unnið á fagráðsfundum um málefni fatlaðra á Norðurlandi vestra.
• 3.4 2408011 Úthlutun íbúðar 108 í Nestúni
  Félagsmálaráð - 256 Einn íbúi hefur óskað eftir íbúð 108 og er henni úthlutað til Margrétar Guðmundsdóttur.
• 3.5 2408031 Úthlutun íbúðar 101 í Nestúni
  Félagsmálaráð - 256 Ekki liggja fyrir óskir íbúa um flutning innanhúss og því er íbúð 101 úthlutað til Hólmfríðar Sigurðardóttur.
• 3.6 2403029 Frumkvæðisathugun á reglum sveitarfélaga um stoð- og stuðningsþjónustu
  Félagsmálaráð - 256 Sviðsstjóri fjölskyldusviðs kynnt frumkvæðisathugun Gæða- og eftirlitsstofnunar á reglum sveitarfélaga um stoð- og stuðningsþjónustu. Nýjar reglur Húnaþings vestra um stoð- og stuðningsþjónustu eru frá 2023 og standast þau viðmið sem athugunin beinist að.
• 3.7 2311025 Bjartur lífstíll
  Félagsmálaráð - 256 Sviðsstjóri fjölskyldusviðs kynnti upplýsingar á heimasíðu um hreyfiúrræði fyrir eldri borgara.
• 3.8 2310068 Gott að eldast
  Félagsmálaráð - 256 Henrike Wappler yfirfélagsráðgjafi fór yfir stöðu verkefnisins Gott að eldast. Drög að samningi milli HVE og Húnaþings vestra liggja fyrir og stefnt er að undirritun fljótlega.

Málsnúmer 2409023Vakta málsnúmer

Málsnúmer 2311018Vakta málsnúmer