Veituráð

Þorbergur Guðmundsson fór yfir stöðu framkvæmda við vatnslögn að Laugarbakka. Framkvæmdir ganga almennt vel.

Borist hafa beiðnir frá landeigendum á lagnaleið vatnslagnar að Laugarbakka um tengingar inn á lögnina. Veituráð samþykkir tengingar lögbýla við vatnslögnina þar sem aðstæður leyfa. Tenging fari fram með þeim hætti að settir verði upp brunnar með flotlokum í eigu Vatnsveitu Húnaþings vestra sem starfsmenn veitnanna hafa óheft aðgengi að og annast viðhald á. Lagning lagna frá brunni heim að húsi verði á ábyrgð og kostnað landeiganda. Greidd verði heimæðargjöld í samræmi við gjaldskrá Vatnsveitu Húnaþings vestra.

Sveitarstjóri fór yfir samanburð gjaldskráa nokkurra vatnsveitna. Ljóst er að notkunargjald stórnotenda Vatnsveitu Húnaþings vestra er umtalsvert lægra en þekkist víða annarsstaðar. Veituráð beinir því til sveitarstjórnar að rúmmetragjald til stórnotenda verði hækkað umfram verðlagshækkanir í gjaldskrá ársins 2024. Jafnframt beinir veituráð því til sveitarstjórnar að undirbúin verði gjalddtaka fyrir notkun vatns til allra annarra nota en heimilisnota í samræmi við 7. gr. laga um vatnsveitur sveitarfélaga nr. 32/2004.

Þorbergur Guðmundsson fór yfir þær framkvæmdir sem fyrirhugaðar voru í sumar. Til stóð að endurnýja lagnir við Höfðabraut. Engin tilboð bárust í verkið. Reynt verður að ráðast í verkið á næsta ári. Efni hefur þegar verið keypt.