Veituráð

Lögð fram til kynningar skýrsla ÍSOR með niðurstöðum vinnslueftirlits Hitaveitu Húnaþings vestra fyrir árið 2022. Í skýrslunni er farið yfir efnainnihald vatns úr þeim borholum sem nýttar eru til húshitunar í sveitarfélaginu ásamt rennsli þeirra. Engar teljandi breytingar eru á efnainnihaldi frá fyrri greiningum en nokkur aukning er á notkun vatns frá Laugarbakka og Reykjum í Hrútafirði en samdráttur í notkun á Borðeyri. Borholur sem notaðar eru standa undir notkun.

Þorbegur Guðmundsson leiðtogi veitna fer yfir framkvæmd við lagningu vatnslagnar frá Hvammstanga til Laugarbakka til upplýsingar fyrir ráðið.

Lögð fram tilboðsgögn vegna framkvæmda við endurnýjun hitaveitulagna á Hvammstanga sumarið 2024. Veituráð gerir ekki athugasemdir við drögin.