Fræðsluráð

Skólastjóri leikskóla fór yfir drög að verklagi vegna undirmönnunar. Fræðsluráð felur skólastjóra að senda drögin til foreldrafélagsins til athugasemda og gera breytingar í samræmi við umræður á fundinum.

Lögð fram eftirlitsskýrsla til kynningar. Skólastjóri leikskóla fór yfir skýrsluna og viðbrögð við henni.

Skólastjórnendur leik- og grunnskóla ræddu hljóðvist í skólum sveitarfélagsins. Þeir eru meðvitaðir um mikilvægi hljóðvistar og staðan í skólum er almennt góð en á nokkrum svæðum þarf að huga betur að hljóðvist. Fræðsluráð hvetur stjórnendur til að fylgjast áfram með hljóðvist í skólum sveitarfélagsins.

Aðstoðarskólastjóri fór yfir nýja eineltisáætlun skólans. Fræðsluráð lýsir yfir ánægju með áætlunina.

Samkvæmt skólastjórnendum gengur vel að fylgja eftir atriðum í eftirlitsskýrslu þó ekki sé öllu lokið.

Lagt fram svarbréf Lýðheilsusjóðs um styrk til sumarstarfs ungmenna í Húnaþingi vestra.

Lagðar fram til kynningar.

Fræðsluráð samþykkir skóladagatal leikskólans með fyrirvara um endanlega dagsetningu útskriftar elstu barna.

Lagðar fram tillögur skólastjórnenda um skerðingar á þjónustu frístundar skólaárið 2024-2025. Bréfinu vísað til frekari umræðu byggðarráðs.