Sveitarstjórn

Málsnúmer 2404013FVakta málsnúmer

• 1.1 2403051 Rekstrarstjóri kemur til fundar
  Byggðarráð - 1211 Björn Bjarnason, rekstrarstjóri og Ásmundur Ingvarsson frá Ferli verkfræðistofu, fóru yfir valkosti við fyrirhugaðar framkvæmdir við þak Félagsheimilisins Hvammstanga. Byggðarráð samþykkir tillögu Ferlis um að notaðar verði uppstólaðar yleiningar. Rekstrarstjóra er falið að hafa samráð við byggingafulltrúa varðandi framkvæmdina, sækja um framkvæmdaleyfi og gera verðfyrirspurn í efni og vinnu í samræmi við innkaupareglur sveitarfélagsins.
  
  Sveitarstjóra er falið að undirbúa gerð viðauka við fjárhagsáætlun vegna framkvæmdarinnar.
• 1.2 2404092 Trúnaðarmál
  Byggðarráð - 1211 Starfsmannamál - fært í trúnaðarbók.
• 1.3 2404102 Tilkynning frá Óbyggðanefnd um málsmeðferð vegna eyja og skerja
  Byggðarráð - 1211 Lögð fram tilkynning frá Óbyggðanefnd vegna krafna í eyjar og sker. Kröfulýsingarfrestur er framlengdur til 2. september 2024 til að gefa fjármála- og efnahagsráðherra færi á að ljúka endurskoðun sem ráðherra hefur boðað á kröfugerð ríkisins, sem og kortagerð vegna hennar, og tryggja að landeigendur hafi nægan tíma að því loknu til að bregðast við endurskoðuðum kröfum ríkisins og eftir atvikum lýsa gagnkröfum. Lagt fram til kynningar.
• 1.4 2404094 Samningur um gagnkvæma aðstoð milli Brunavarna Húnaþings vestra og Brunavarna A-Hún
  Byggðarráð - 1211 Lagður fram samningur milli Brunavarna Húnaþings vestra og Brunavarna A-Hún um gagnkvæma aðstoð við slökkvi- og björgunarstörf ásamt viðbragði við mengunaróhöppum í samræmi við 3. mgr. 20. gr. laga nr. 75/2000. Samningsaðilar eru sammála um að gagnkvæm aðstoð á milli aðila sé veitt án endurgjalds sem endurskoðað skal innan fimm ára með tilliti til umfangs og kostnaðar. Byggðarráð samþykkir samninginn og felur sveitarstjóra undirritun hans. Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 1.5 2404107 Aðalfundur Veiðifélags Víðidalsár þann 25. apríl 2024
  Byggðarráð - 1211 Lagt fram boð á aðalfund Veiðifélags Víðidalsár þann 25. apríl 2024 kl. 20. Sigríður Ólafsdóttir verður fulltrúi sveitarfélagsins á fundinum og fer með atkvæðisrétt.
• 1.6 2404105 Niðurstöður könnunar á starfsemi slökkviliða
  Byggðarráð - 1211 Lagt fram til kynningar.
• 1.7 2404112 Aðalfundur Landskerfis bókasafna 7. maí 2024
  Byggðarráð - 1211 Lagt fram til kynningar boð á aðalfund Landskerfis bókasafna sem fram fer þann 7. maí 2024.
• 1.8 2404095 Fundargerð 105. fundar stjórnar SSNV sem fram fór þann 2. apríl 2024
  Byggðarráð - 1211 Lögð fram til kynningar.
• 1.9 2404113 Ársreikningur Hafnasambandsins fyrir árið 2023
  Byggðarráð - 1211 Lagður fram til kynningar.
• 1.10 2403059 Fulltrúar Náttúrustofu Norðurlands vestra koma til fundar
  Byggðarráð - 1211 Starri Heiðmarsson framkvæmdastjóri Náttúrustofu Norðurlands vestra og Ragna Guðrún Snorradóttir líffræðingur á stofunni komu til fundar við byggðarráð og fóru yfir starfsemi stofunnar. Byggðarráð þakkar Starra og Rögnu Guðrúnu greinargóða kynningu.

Málsnúmer 2404017FVakta málsnúmer

• 2.1 2401093 Endurnýjun hitaveitulagna Höfðabraut 2024
  Byggðarráð - 1212 Lagt fram minnisblað frá rekstarstjóra vegna endurnýjunar hitaveitulagna á Hvammstanga sumarið 2024. Tveir verktakar tóku þátt í verðfyrirspurn. Niðurstaðan var sú að Gunnlaugur Agnar Sigurðsson bauð lægst, kr. 27.618.794.- sem var nokkru yfir kostnaðaráætlun. Gengið var til samninga við Gunnlaug Agnar og liggur fyrir uppfærð verk- og kostnaðaráætlun þar sem hluti verks hefur verið færður á þjónustumiðstöð. Heildarkostnaður eftir uppfærslu er kr. 20.985.400 sem er engu að síður hærra en fjárhagsáætlun heimilar, eða sem nemur kr. 2.500.000. Framkvæmdin eykur afhendingaröryggi Hitaveitunnar á Hvammstanga og því metin mjög brýn. Byggðarráð samþykkir uppfærða verk- og kostnaðaráætlun og felur sveitarstjóra og sviðsstjóra að undirbúa gerð viðauka vegna verksins í samræmi við kostnaðarauka. Bókun fundar Borghildur Haraldsdóttir vék af fundi kl. 15:09.
  Afgreiðsla byggðarráðs borin undir atkvæði og samþykkt með 6 atkvæðum.
  Borghildur Haraldsdóttir kom aftur til fundar kl. 15:13.
• 2.2 2404118 Beiðni innviðaráðuneytis um umsögn um ósk Landsnets um skipan raflínunefndar vegna Holtavörðurheiðarlína 1 og 3
  Byggðarráð - 1212 Lögð fram beiðni innviðaráðuneytis um umsögn um beiðni Landsnets um skipan raflínunefndar vegna fyrirhugaðra framkvæmda við lagningu Holtavörðuheiðarlínu 1 og Holtavörðuheiðarlínu 3. Er beiðni Landsnets með vísan í 1. mgr. 9.gr.a. í skipulagslögum nr. 123/2010 en heimild til skipunar slíkra nefnda var fest í lög með lagabreytingu nr. 35/2023. Byggðarráð Húnaþings vestra lagðist gegn þeim breytingum. Taldi ráðið þá, og gerir enn, að þær vegi að skipulagsvaldi sveitarfélaga.
  Byggðarráð Húnaþings vestra telur að á þessu stigi sé ekki þörf á skipan slíkrar nefndar. Ekki hefur verið tekin ákvörðun um legu línanna og þar af leiðandi ekki farið fram samtal um framkvæmdina og enn síður kominn fram ágreiningur um hana. Auk þess liggur ekki fyrir reglugerð um störf raflínunefnda á grundvelli lagabreytinga nr. 35/2023 og skipan nefndarinnar því ekki tímabær.
  Húnaþing vestra hefur á öllum stigum sýnt mikinn vilja til samstarfs enda um að ræða afar mikilvæga framkvæmd fyrir svæðið og landsmenn alla. Sveitarfélagið mun líkt og á fyrri stigum halda þeirri samvinnu áfram.
  Í rökstuðningi með beiðni Landsnets eru helstu rök fyrir skipan raflínunefndar að af því skapist mikið hagræði. Vissulega er um flókið skipulagsmál að ræða en byggðarráð vill benda á að skipulagsmál eiga ekki, og mega ekki, í eðli sínu vera einföld. Tilgangur þeirra er að tryggja að vel sé að verki staðið við hvers kyns framkvæmdir og að sem flest sjónarmið séu tekin með í reikninginn.
  Í rökstuðningi Landsnets kemur einnig fram að hlutaðeigandi sveitarfélögum hafi verið tilkynnt um beiðnina og að engin sérstök mótmæli hafi borist. Byggðarráð vill að fram komi að í því bréfi var á engan hátt gefið til kynna að umsagna væri óskað heldur var ítrekað tekið fram að bréfið væri sent til upplýsingar.
  
• 2.3 2404117 Umsagnarbeiðni um tillögu til þingsályktunar um stefnu stjórnvalda um uppbyggingu vindorku á Íslandi, 899. mál, umsagnarfrestur til 3. maí 2024
  Byggðarráð - 1212 Byggðarráð fagnar framkominni þingsályktunartillögu enda löngu tímabært að skýra regluverk í kringum vinnslu vindorku. Ráðið fagnar sérstaklega grein 1.5 þar sem fram kemur að tryggt verði að lagaumgjörð verði með þeim hætti að endanleg ákvörðun um það hvort uppbygging einstakra virkjunarkosta í vindorku verði settir inn á skipulag sé í höndum viðkomandi sveitarfélags, enda gengi annað gegn skipulagsrétti sveitarfélaga. Í grein 1.6 er fjallað um að stefnt skuli að því að sú verðmætasköpun sem hagnýting vindorku hefur í för með sér skili sér til samfélagsins og tryggi beina og sýnilega hlutdeild í afkomu starfseminnar. Byggðarráð telur ástæðu til að sterkar verði að orði kveðið og að í stað þess að „stefnt verði að“ verði tryggt að nærsamfélagið njóti ábata af rekstri vindmylla. Að öðru leyti telur ráðið ekki ástæðu til að gera athugasemdir við þingsályktunartillöguna en áskilur sér rétt til umsagnar á seinni stigum málsins.
• 2.4 2404116 Umsagnarbeiðni um frumvarp til laga um verndar- og orkunýtingaráætlun (virkjunarkostir í vindorku), 900. mál, umsagnarfrestur til 3. maí 2024.
  Byggðarráð - 1212 Ekki þykir ástæða til umsagnar um málið.

Málsnúmer 2404020FVakta málsnúmer

• 3.1 2404109 Mörk beitarland, umsókn um leiðréttingu stærðar.
  Skipulags- og umhverfisráð - 367 Skipulags- og umhverfisráð leggur til við sveitarstjórn að samþykkja nýja afmörkun á landi Markar beitarlands. Bókun fundar Dagskrárliðurinn borinn undir atkvæði og samþykktur með 7 atkvæðum.
• 3.2 2404108 Gamla Mörk, umsókn um stofnun lóðar.
  Skipulags- og umhverfisráð - 367 Skipulags- og umhverfisráð leggur til við sveitarstjórn að samþykkja stofnun lóðar úr landi Markar og að lóðin fái staðfangið Gamla Mörk. Bókun fundar Dagskrárliðurinn borinn undir atkvæði og samþykktur með 7 atkvæðum.
• 3.3 2404106 Mörk, hnitsetning jarðar.
  Skipulags- og umhverfisráð - 367 Skipulags- og umhverfisráð leggur til við sveitarstjórn að samþykkja hnitsetningu á landi Markar. Bókun fundar Dagskrárliðurinn borinn undir atkvæði og samþykktur með 7 atkvæðum.
• 3.4 2404093 Lindarvegur 12, umsókn um byggingarleyfi
  Skipulags- og umhverfisráð - 367 Skipulags- og umhverfisráð leggur til við sveitarstjórn að samþykkja fyrirhugaðar byggingarframkvæmdir. Bókun fundar Borghildur Haraldsdóttir vék af fundi kl. 15:14.
  Dagskrárliðurinn borinn undir atkvæði og samþykktur með 6 atkvæðum.
  Borghildur Haraldsdóttir kom aftur til fundar kl. 15:16.
• 3.5 2404099 Þórðartröð 8, umsókn um breytingu á deiliskipulagi.
  Skipulags- og umhverfisráð - 367 Skipulags- og umhverfisráð leggur til við sveitarstjórn að grenndarkynna deiliskipulagsbreytinguna skv.2. mgr. 43. gr. skipulagslaga nr. 123/2010.
  Grenndarkynna þarf fyrir eigendum að Þórðartröð 10, Jónströð 7 og Hallartröð 2. Bókun fundar Dagskrárliðurinn borinn undir atkvæði og samþykktur með 7 atkvæðum.

Málsnúmer 2403004FVakta málsnúmer

• 4.1 2403044 Leiðbeinandi verklag vegna undirmönnunar í leikskólanum Ásgarði
  Fræðsluráð - 245 Skólastjóri leikskóla fór yfir drög að verklagi vegna undirmönnunar. Fræðsluráð felur skólastjóra að senda drögin til foreldrafélagsins til athugasemda og gera breytingar í samræmi við umræður á fundinum.
• 4.2 2403063 Eftirlitsskýrsla Heilbrigðiseftirlits Norðurlands Vestra vegna leikskóla 12. mars 2024
  Fræðsluráð - 245 Lögð fram eftirlitsskýrsla til kynningar. Skólastjóri leikskóla fór yfir skýrsluna og viðbrögð við henni.
• 4.3 2403047 Efni Hljóðvist í skólum
  Fræðsluráð - 245 Skólastjórnendur leik- og grunnskóla ræddu hljóðvist í skólum sveitarfélagsins. Þeir eru meðvitaðir um mikilvægi hljóðvistar og staðan í skólum er almennt góð en á nokkrum svæðum þarf að huga betur að hljóðvist. Fræðsluráð hvetur stjórnendur til að fylgjast áfram með hljóðvist í skólum sveitarfélagsins.
• 4.4 2404076 Eineltisáætlun Grunnskóla Húnaþings vestra
  Fræðsluráð - 245 Aðstoðarskólastjóri fór yfir nýja eineltisáætlun skólans. Fræðsluráð lýsir yfir ánægju með áætlunina.
• 4.5 2402034 Eftirlitsskýrsla Heilbrigðiseftirlits Norðurlands Vestra vegna grunnskóla 31. janúar 2024
  Fræðsluráð - 245 Samkvæmt skólastjórnendum gengur vel að fylgja eftir atriðum í eftirlitsskýrslu þó ekki sé öllu lokið.
• 4.6 2403038 Umsókn í Lýðheilsusjóð 2024
  Fræðsluráð - 245 Lagt fram svarbréf Lýðheilsusjóðs um styrk til sumarstarfs ungmenna í Húnaþingi vestra.
• 4.7 2310067 Fundargerðir farsældarteymis
  Fræðsluráð - 245 Lagðar fram til kynningar.
• 4.8 2402057 Skóladagatal leikskóla 2024-2025
  Fræðsluráð - 245 Fræðsluráð samþykkir skóladagatal leikskólans með fyrirvara um endanlega dagsetningu útskriftar elstu barna.
• 4.9 2402050 Skóladagatal grunnskóla og tónlistarskóla 2024-2025
  Fræðsluráð - 245 Lagðar fram tillögur skólastjórnenda um skerðingar á þjónustu frístundar skólaárið 2024-2025. Bréfinu vísað til frekari umræðu byggðarráðs. Bókun fundar Borghildur Haraldsdóttir, Ingveldur Ása Konráðsdóttir og Magnús Vignir Eðvaldsson véku af fundi kl. 15:19.
  
  Lögð fram eftirfarandi tillaga:
  „Sveitarstjórn samþykkir að ekki verði boðið upp á frístund í jóla- og páskaleyfum enda hefur nýting á þessum tíma verið mjög lítil og oft undir lágmarksskráningu. Einnig er samþykkt að frístund verði lokuð á starfsdegi í janúar vegna endurmenntunar starfsmanna. Á öðrum starfs- og/eða viðtalsdögum verði frístund opin.“
  Tillagan borin undir atkvæði og samþykkt með 4 atkvæðum.
  
  Borghildur Haraldsdóttir, Ingveldur Ása Konráðsdóttir og Magnús Vignir Eðvaldsson komu aftur til fundar kl. 15:22.

Málsnúmer 2403005FVakta málsnúmer

• 5.1 2310068 Gott að eldast
  Öldungaráð - 9 Henrike Wappler og Sesselja Kristín fóru yfir stöðu verkefnisins Gott að eldast. Undirbúningur fyrir samþætta heimaþjónustu sveitarfélagsins, heimahjúkrunar og dagdvöl gengur vel og stefnt að því að hún taki formlega til starfa næsta haust. Öldungaráð fagnar því að hægt verði að sækja þjónustu á einum stað. Einnig voru ræddar hugmyndir um nafn á þjónustuna. Öldungaráð leggur til að kallað verði eftir hugmyndum meðal íbúa. Henrike og Kristín fóru einnig yfir núverandi starfsemi og fjölda þjónustuþega.
  Þá var rætt um möguleika og framtíðarsýn á akstursþjónustu. Öldungaráð beinir því til sveitarstjórnar að hafa þjálfara til aðstoðar íbúum í íþróttamiðstöð, sérstaklega fyrir þrektækjasal. Öldungaráð vill annars hrósa opnunartíma og þjónustu í Íþróttamiðstöð.
  
  
• 5.2 2404100 Framtíðarhúsnæði fyrir félagsstarf eldri borgara
  Öldungaráð - 9 Öldungaráð Húnaþings vestra leggur ríka áherslu á nauðsyn þess að Félag eldri borgara í Húnaþingi vestra hafi tryggt húsnæði fyrir umfangsmikið félagsstarf sitt. Öldungaráðið beinir þeim eindregnu tilmælum til sveitarstjórnar Húnaþings vestra að félaginu verði tryggð afnot af hentugu húsnæði fyrir starfsemina sem allra fyrst. Ráðið telur að sveitarstjórn eigi að skipa sér í hóp þeirra sveitarfélaga sem hvað best gera í þessum efnum hvað varðar húsnæði, búnað og kjör.
• 5.3 2404101 Hálkuvarnir við Nestún og víðar
  Öldungaráð - 9 Öldungaráð hvetur sveitarstjórn til að huga betur að hálkuvörnum við Nestún. Sérstaklega á götunni að bílastæðum vestan við götuna. Einnig bendir öldungaráð á að brunnlok í gangstétt við Nestún er niðurgrafið og getur valdið slysum.

Málsnúmer 2404129Vakta málsnúmer

Málsnúmer 2404130Vakta málsnúmer

Málsnúmer 2403032Vakta málsnúmer

Málsnúmer 2405006Vakta málsnúmer

Málsnúmer 2404000Vakta málsnúmer

Málsnúmer 2311018Vakta málsnúmer