Sveitarstjórn

Málsnúmer 2411004FVakta málsnúmer

• 1.1 2409030 Sala á Hlíðarvegi 25
  Byggðarráð - 1232 Auglýst var eftir tilboðum í fasteignina að Hlíðarvegi 25, neðri hæð norðan megin, með fresti til kl. 11, mánudaginn 18. nóvember 2024.
  
  Eftirtalið tilboð barst:
  Andri Freyr Bender og Anja Malagowska buðu kr. 21,7 milljónir í eignina.
  
  Byggðarráð samþykkir framlagt tilboð og felur sveitarstjóra að ganga frá samningi þar um með fyrirvara um endanlega fjármögnun.
  
  
  Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 1.2 2411023 Sóknaráætlun Norðurlands vestra 2025-2029
  Byggðarráð - 1232 Sveitarstjóra er falið að setja fram tillögur að áhersluverkefnum og senda samtökunum.
• 1.3 2411024 Reglur Barnaverndarþjónustu Mið - Norðurlands um veitingu fjárstyrks - breytingar á reglum
  Byggðarráð - 1232 Byggðarráð samþykkir framlagðar reglur og vísar þeim til afgreiðslu sveitarstjórnar.
• 1.4 2411028 Beiðni um afslátt af húsaleigu vegna jólamarkaðar í Félagsheimilinu Hvammstanga
  Byggðarráð - 1232 Byggðarráð samþykkir veitingu afsláttar vegna viðburða í samfélagsþágu.
• 1.5 2409084 Beiðni um framlengingu leigusamnings
  Byggðarráð - 1232 Byggðarráð samþykkir framlengingu leigusamnings til 31. janúar 2025. Ekki verður um frekari framlengingar að ræða.
• 1.6 2411034 Fulltrúi Skógarplantna ehf. kom til fundar við byggðarráð
  Byggðarráð - 1232 Björn Líndal, fulltrúi Skógarplantna ehf, kom til fundar við byggðarráð og fór yfir stöðu verkefnisins. Byggðarráð þakkar greinargóða yfirferð.

Málsnúmer 2411006FVakta málsnúmer

• 2.1 2410061 Mannauðsstefna
  Byggðarráð - 1233 Áður á dagskrá 1231. fundar byggðarráðs þann 11. nóvember sl. þar sem samþykkt var að kalla eftir umsögnum starfsmanna um stefnuna. Var það gert með fresti til 1. desember sl. Ein umsögn barst sem innihélt ekki efnislegar athugasemdir. Mannauðsstefnan er því lögð fram í óbreyttri mynd. Byggðarráð samþykkir framlagða stefnu og vísar henni til afgreiðslu sveitarstjórnar.
• 2.2 2411038 Fjármagn vegna ráðningar tengiráðgjafa í Húnaþingi vestra 2025
  Byggðarráð - 1233 Lagður fram til kynningar samningur milli Húnaþings vestra og félags- og vinnumarkaðsráðuneytisins um styrk vegna ráðningar tengiráðgjafa. Hljóðar styrkurinn upp á kr. 3,5 milljónir. Styrkurinn er veittur á grundvelli aðgerða stjórnvalda í að mæta félags- og heilsufarslegum afleiðingum Covid-19 heimsfaraldursins. Liður í þeim aðgerðum er að koma í veg fyrir og draga úr einmanaleika og félagslegri einangrun viðkvæmra hópa. Jafnframt byggir verkefnið á aðgerð B.1 um vitundarvakningu um heilbrigða öldrun og A.2 um heima-endurhæfingarteymi, í Gott að eldast, aðgerðaáætlun um þjónustu við eldra fólk 2023-2027.
  
  Auglýst hefur verið eftir starfsmanni til að sinna hlutverki tengiráðgjafa í 20-30% starfshlutfalli til eins árs.
  
  Byggðarráð fagnar styrkveitingunni.
• 2.3 2408001 Ráðning sviðsstjóra umhverfis-, veitu- og framkvæmdasviðs
  Byggðarráð - 1233 Lagt fram minnisblað vegna ráðningarferlis sviðsstjóra umhverfis-, veitu- og framkvæmdasviðs Húnaþings vestra. Í minnisblaðinu er farið yfir ráðningarferlið og mat á þeim umsóknum sem bárust.
  
  Byggðarráð hefur kynnt sér gögn málsins og samþykkir að ráða Þorgils Magnússon í starf sviðsstjóra umhverfis-, veitu- og framkvæmdasviðs Húnaþings vestra. Sveitarstjóra er falið að ganga frá og undirrita ráðningarsamning við Þorgils.
  
  Björn Bjarnason lætur af störfum um áramót. Byggðarráð þakkar Birni vel unnin störf í þágu sveitarfélagsins og óskar honum velfarnaðar í komandi verkefnum.
• 2.4 2412003 Styrkumsókn vegna tveggja leiksýninga árið 2025
  Byggðarráð - 1233 Til ráðstöfunar til leikfélaga á árinu 2025 eru kr. 300 þúsund. Þar sem fleiri en eitt leikfélag er starfandi í sveitarfélaginu verður það framlag auglýst til umsóknar í upphafi árs 2025. Því er ekki hægt að verða við styrkbeiðninni að svo komnu.
• 2.5 2412002 Styrkumsókn vegna jólatónleika
  Byggðarráð - 1233 Byggðarráð samþykkir veitingu afsláttar vegna viðburða í samfélagsþágu.
• 2.6 2412014 Beiðni um umsögn um skipan raflínunefndar vegna Holtavörðuheiðarlínu 1
  Byggðarráð - 1233 Byggðarráð vísar til fyrri umsagnar um málið sem veitt var á 1212. fundi ráðsins þann 29. apríl 2024. Þar sagði:
  
  „Lögð fram beiðni innviðaráðuneytis um umsögn um beiðni Landsnets um skipan raflínunefndar vegna fyrirhugaðra framkvæmda við lagningu Holtavörðuheiðarlínu 1 og Holtavörðuheiðarlínu 3. Er beiðni Landsnets með vísan í 1. mgr. 9.gr.a. í skipulagslögum nr. 123/2010 en heimild til skipunar slíkra nefnda var fest í lög með lagabreytingu nr. 35/2023. Byggðarráð Húnaþings vestra lagðist gegn þeim breytingum. Taldi ráðið þá, og gerir enn, að þær vegi að skipulagsvaldi sveitarfélaga.
  
  Byggðarráð Húnaþings vestra telur að á þessu stigi sé ekki þörf á skipan slíkrar nefndar. Ekki hefur verið tekin ákvörðun um legu línanna og þar af leiðandi ekki farið fram samtal um framkvæmdina og enn síður kominn fram ágreiningur um hana. Auk þess liggur ekki fyrir reglugerð um störf raflínunefnda á grundvelli lagabreytinga nr. 35/2023 og skipan nefndarinnar því ekki tímabær.
  
  Húnaþing vestra hefur á öllum stigum sýnt mikinn vilja til samstarfs enda um að ræða afar mikilvæga framkvæmd fyrir svæðið og landsmenn alla. Sveitarfélagið mun líkt og á fyrri stigum halda þeirri samvinnu áfram.
  Í rökstuðningi með beiðni Landsnets eru helstu rök fyrir skipan raflínunefndar að af því skapist mikið hagræði. Vissulega er um flókið skipulagsmál að ræða en byggðarráð vill benda á að skipulagsmál eiga ekki, og mega ekki, í eðli sínu vera einföld. Tilgangur þeirra er að tryggja að vel sé að verki staðið við hvers kyns framkvæmdir og að sem flest sjónarmið séu tekin með í reikninginn.
  
  Í rökstuðningi Landsnets kemur einnig fram að hlutaðeigandi sveitarfélögum hafi verið tilkynnt um beiðnina og að engin sérstök mótmæli hafi borist. Byggðarráð vill að fram komi að í því bréfi var á engan hátt gefið til kynna að umsagna væri óskað heldur var ítrekað tekið fram að bréfið væri sent til upplýsingar.“
  
  Byggðarráð ítrekar fyrri afstöðu sína um að ekki skuli skipuð raflínunefnd nema sannarlega séu deilur um lagningu línunnar enda felist í þeirri ráðstöfun alvarlegt inngrip inn í skipulagsferla og með henni vegið að skipulagsrétti sveitarfélaga. Í rökstuðningi Landsnets er vísað í fyrri framkvæmdir sem vissulega hafa tafist vegna deilna sem er miður. Byggðarráð fær ekki séð af framkomnum gögnum að um deilur um lagningu línunnar sé að ræða. Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 2.7 2412016 Milliuppgjör sveitarsjóðs Húnaþings vestra og undirfyrirtækja. Þriðji ársfjórðungur 2024
  Byggðarráð - 1233 Elín Jóna Rósinberg sviðsstjóri fjármála- og stjórnsýslusviðs kynnti milliuppgjör eftir fyrstu níu mánuði ársins 2024, en framkvæmdaráð tók það fyrir á fundi sínum þann 9. desember sl. Rekstur er almennt samkvæmt áætlun.
• 2.8 2212015 Lok lóðarleigusamnings vegna Norðurbrautar 30
  Byggðarráð - 1233 Lagt fram tilboð og rökstuðningur eigenda húseignarinnar að Norðurbraut 30 vegna loka lóðarleigusamnings. Ferli málsins var rakið í bókunum á 1214. fundi byggðarráðs þann 22. maí 2024 og 1224. fundi ráðsins þann 16. september 2024.
  
  Byggðarráð vísar tilboðinu til afgreiðslu sveitarstjórnar.
• 2.9 2411033 Uppbyggingarsjóður Norðurlands vestra - Umsóknir
  Byggðarráð - 1233 Sótt var um styrki í Uppbyggingarsjóð til tveggja verkefna:
  
  Endurgerð listaverksins Þróunar eftir Marinó Björnsson við Félagsheimilið Hvammstanga. Sótt var um styrk upp á kr. 3,6 milljónir til verksins. Styrksumsókninni var hafnað.
  
  Húsin í bænum, gerð upplýsingaskilta um íbúðarhús í eldri hluta Hvammstanga byggð á texta og myndum úr bókinni Hús og hýbýli á Hvammstanga, húsaskrá 1898-1972 eftir Þórð Skúlason sem kom út hjá Bókaútgáfunni Skriðu árið 2021. Samþykkti úthlutunarnefnd að veita kr. 400 þúsund til verkefnisins.
  
  Byggðarráð fagnar styrkveitingunni og felur sveitarstjóra framkvæmd verkefnisins.
• 2.10 2411044 Fundargerð 467. fundar stjórnar Hafnarsambands Íslands
  Byggðarráð - 1233
• 2.11 2411041 Fundargerð 955. fundar stjórnar Sambands íslenskra sveitarfélaga
  Byggðarráð - 1233
• 2.12 2411052 Fundargerð 956. fundar stjórnar Sambands íslenskra sveitarfélaga
  Byggðarráð - 1233
• 2.13 2411053 Fundargerð 957. fundar stjórnar Sambands íslenskra sveitarfélaga
  Byggðarráð - 1233
• 2.14 2411056 Fundargerð 958. fundar stjórnar Sambands íslenskra sveitarfélaga
  Byggðarráð - 1233
• 2.15 2411058 Fundargerð Fjallskilastjórnar Miðfirðinga 25. nóvember 2024
  Byggðarráð - 1233
• 2.16 2412010 Fundargerð fjallskilastjórnar Hrútfirðinga 3. desember 2024
  Byggðarráð - 1233
• 2.17 2412011 Fundargerð fjallskilastjórnar Víðdælinga 3. desember 2024
  Byggðarráð - 1233

Málsnúmer 2411007FVakta málsnúmer

• 3.1 2410051 Starfsáætlun leikskóla 2025
  Fræðsluráð - 250 Kristinn Arnar Benjamínsson fór yfir helstu atriði í starfinu á yfirstandandi skólaári. Nú eru 18,8 stöðugildi við skólann. Gert er ráð fyrir að stöðugildin verði mest 21 eftir áramót og lækki svo aftur um haustið. Áætlaður barnafjöldi verður mest 66, núverandi barnafjöldi er 59. Í vor verða þrír menntaðir kennarar við skólann.
• 3.2 2411004 Áskorun til sveitarstjórna á Norðurlandi vestra
  Fræðsluráð - 250 Lögð fram til kynningar.
• 3.3 2411049 Opnunartími leikskóla og grunnskóla í kjölfar kjarasamninga
  Fræðsluráð - 250 Fræðsluráð leggur til við Byggðarráð að skipa starfshóp til að fara yfir þessar áskoranir og mögulegar lausnir í samvinnu við starfsmenn, foreldra og atvinnurekendur í Húnaþingi vestra. Bókun fundar Lögð fram eftirfarandi tillaga:
  „Sveitarstjórn samþykkir að skipaður verði starfshópur til að fara yfir helstu áskoranir og lausnir á útfærslu styttingar vinnuviku starfsmanna leikskólans m.t.t. dvalartíma leikskólabarna. Sveitarstjóra er falið að vinna drög að erindisbréfi hópsins og leggja fyrir byggðarráð sem jafnframt skipar í hópinn.“
  Tillagan borin undir atkvæði og samþykkt með 7 atkvæðum.
• 3.4 2411048 Þjónustukönnun íþróttamiðstöðvar 2024
  Fræðsluráð - 250 Lögð fram til kynningar. Fræðsluráð tekur undir vilja í þjónustukönnun til að skoða breytilegan opnunartíma að morgni.
• 3.5 2411051 Íslenska æskulýðsrannsóknin 2024
  Fræðsluráð - 250 Lögð fram til kynningar.
• 3.6 2401004 Helstu verkefni fjölskyldusviðs frá síðasta fundi 2024
  Fræðsluráð - 250 Sviðsstjóri fór yfir helstu verkefni fjölskyldusviðs frá síðasta fundi. 72 almenn mál voru á málaskrá fjölskyldusviðs og 64 einstaklingsmál.
  
  Helstu verkefni voru stefna og aðgerðaráætlun um vellíðan án tóbaks, áfengis og annarra vímuefna, reglur um stuðnings- og stoðþjónustu, gott að eldast, farsæld barna, félagsþjónusta, undirbúningur samfélagsmiðstöðvar, barnavernd, fræðslustjóri að láni, íþróttahérað Norðurlands vestra, tengiráðgjafi o.fl. Einnig voru helstu tölur um málaflokka fjölskyldusviðs kynntar.
  
• 3.7 2411050 Heimsókn í dreifnám
  Fræðsluráð - 250 Fræðsluráð heimsótti Dreifnámi FNV á Hvammstanga og fékk kynningu á starfseminni frá Valdísi Auði Arnardóttur.

Málsnúmer 2411008FVakta málsnúmer

• 4.1 2408023 Fjárhagsáætlun 2025
  Landbúnaðarráð - 215 Sveitarstjóri fór yfir fjárhagsramma ráðsins fyrir árið 2025.
• 4.2 2411057 Skýrsla búfjáreftirlitsmanns árið 2024
  Landbúnaðarráð - 215 Júlíus Guðni Antonsson, búfjáreftirlitsmaður gerði grein fyrir störfum sínum á árinu.
  
  Skráð voru 22 atvik vegna búfjáreftirlits á árinu, helmingur vegna hrossa og helmingur vegna sauðfjár.
  
  Landbúnaðarráð þakkar Júlíusi Guðna fyrir greinagóða yfirferð.
• 4.3 2408006 Skýrsla veiðivarðar vegna gæsa- og rjúpnaveiða haustið 2024
  Landbúnaðarráð - 215 Júlíus Guðni Antonsson veiðivörður gerði grein fyrir störfum sínum á nýliðnu veiðitímabili.
  
  Veiðieftirlitið gekk vel árið 2024. Farnar voru þrjár eftirlitsferðir á Víðidalstunguheiði og ein á Arnarvatnsheiði, allar vegna rjúpnaveiða. Ekki þurfti að hafa afskipti af veiðimönnum í þessum ferðum. Veginum fram á Víðidalstunguheiði var lokað eina helgi vegna bleytu. Almennt virðist vera ánægja með fyrirkomulag veiðanna, stjórn og vöktun sveitarfélagsins á svæðinu.
  
  Landbúnaðarráð þakkar Júlíusi Guðna greinagóða yfirferð.
• 4.4 2409085 Vetrarveiði á ref veturinn 2024-2025
  Landbúnaðarráð - 215 Lagðar fram umsóknir um vetrarveiði á ref veturinn 2024-2025. Auglýst var eftir veiðimönnum á þau tvö svæði sem ekki höfðu borist umsóknir um. Eftirfarandi umsóknir bárust:
  
  Hannes Hilmarsson vegna veiða í vestanverðum Hrútafirði.
  Björn Viðar Unnsteinsson vegna veiða í Vesturhópi.
  
  Landbúnaðarráð felur sveitarstjóra að gera samninga við framangreinda umsækjendur. Bókun fundar Afgreiðsla landbúnaðarráðs borin undir atkvæði og samþykkt með 7 atkvæðum.
• 4.5 2406059 Uppgjör styrkvega 2024
  Landbúnaðarráð - 215 Lagt fram á 214. fundi ráðsins. Uppgjörið hefur verið sent til Vegagerðarinnar.
• 4.6 2402064 Uppgjör heiðagirðinga 2024
  Landbúnaðarráð - 215 Lagt fram á 214. fundi ráðsins.
• 4.7 2412008 Uppgjör rjúpna- og gæsaveiða 2024
  Landbúnaðarráð - 215 Lagt fram til kynningar uppgjör rjúpna- og gæsaveiða 2024.

Málsnúmer 2411024Vakta málsnúmer

Málsnúmer 2412020Vakta málsnúmer

Málsnúmer 2212015Vakta málsnúmer

Málsnúmer 2408001Vakta málsnúmer

Málsnúmer 2410061Vakta málsnúmer

Málsnúmer 2412017Vakta málsnúmer

Málsnúmer 2412035Vakta málsnúmer

Málsnúmer 2412023Vakta málsnúmer

Málsnúmer 2311018Vakta málsnúmer