Sveitarstjórn

Málsnúmer 2412003FVakta málsnúmer

• 1.1 2412026 Viðauki við samning um rekstur Náttúrustofu Norðurlands vestra
  Byggðarráð - 1234 Með viðaukanum er samningur um rekstur Náttúrustofunnar framlengdur um eitt ár, til 31. desember 2025, á meðan lokið er við úttekt á rekstri náttúrustofa og gerðar tillögur að framtíðarfyrirkomulagi.
  Byggðarráð samþykkir framlagðan samning og felur sveitarstjóra undirritun hans. Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 1.2 2412027 Gjaldskrár fjallaskála
  Byggðarráð - 1234 Í minnisblaðinu kemur fram tillaga að breytingu á gjaldskrá fyrir gistingu í fjallaskálum sveitarfélagsins. Byggðarráð samþykkir eftirfarandi gjaldskrá:
  Gisting í eina nótt hækkar úr kr. 4000 í kr. 5000.
  Börn undir 12 ára aldri greiða hálft gjald, kr. 2500.
  Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 1.3 2412013 Störf undanþegin verkfallsheimild 2025
  Byggðarráð - 1234 Tekið hefur verið tillit til athugasemda viðkomandi stéttarfélaga. Byggðarráð samþykkir framlagðan lista og felur sveitarstjóra að senda listann til birtingar í Stjórnartíðindum. Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 1.4 2308018 Stöðumat jafnréttisáætlunar 2023-2026
  Byggðarráð - 1234 Í stöðumatinu kemur fram staða á framkvæmd aðgerða sem tilgreindar eru í Jafnréttisáætlun Húnaþings vestra en meta á stöðu aðgerða árlega og leggja í framhaldinu fram endurskoðaða áætlun. Flestar aðgerðirnar eru viðvarandi verkefni. Þremur aðgerðum er að fullu lokið, tvær eru ekki hafnar en aðrar aðgerðir eru í vinnslu. Starfsmenn sveitarfélagsins hafa fengið könnun þar sem spurt er út í innihald áætlunarinnar til að fá fram sem flest sjónarmið við endurskoðunar áætlunarinnar.
  
  Byggðarráð samþykkir að í nýrri endurskoðaðri útgáfu Jafnréttisáætlunar verði þær aðgerðir sem lokið er felldar út úr aðgerðalista. Byggðarráð samþykkir jafnframt tillögu að breytingum á þremur aðgerðum og breyttum tímamörkum á sex aðgerðum. Að fengnum athugasemdum frá starfsmönnum er sveitarstjóra falið að leggja endurskoðaða áætlun fyrir byggðarráð.
  
  
  
  
• 1.5 2411049 Erindisbréf starfshóps um opnunartíma leikskóla og grunnskóla í kjölfar kjarasamninga
  Byggðarráð - 1234 Byggðarráð samþykkir framlagt erindisbréf. Í hópnum munu sitja: Formaður fræðsluráðs sem jafnframt er formaður hópsins, fulltrúi minnihluta í sveitarstjórn, skólastjórar grunn- og leikskóla, fulltrúar foreldrafélaga í grunn- og leikskóla og fulltrúi úr atvinnulífinu í Húnaþingi vestra. Sveitarstjóra er falið að kalla eftir tilnefningum frá foreldrafélögum grunn- og leikskóla ásamt fulltrúa atvinnulífs.
• 1.6 2412024 Fundargerð 959. fundar
  Byggðarráð - 1234
• 1.7 2412043 Beiðni um afslátt af leigu á Félagsheimilinu Hvammstanga
  Byggðarráð - 1234 Byggðarráð samþykkir veitingu afsláttar vegna viðburða í samfélagsþágu.

Málsnúmer 2412004FVakta málsnúmer

• 2.1 2411047 Húsnæðisáætlun 2025
  Byggðarráð - 1235 Byggðarráð samþykkir framlagða Húsnæðisáætlun Húnaþings vestra og vísar henni til afgreiðslu sveitarstjórnar.
• 2.2 2412052 Starfsáætlun byggðarráðs 2025
  Byggðarráð - 1235 Byggðarráð samþykkir framlagða starfsáætlun.
• 2.3 2412051 Atvinnu- og nýsköpunarsjóður Húnaþings vestra, úthlutunarreglur og úthlutun 2025
  Byggðarráð - 1235 Byggðarráð samþykkir að úthlutanir Atvinnu- og nýsköpunarsjóðs verði framvegis auglýstar í janúar. Ráðið samþykkir einnig uppfærðar reglur sjóðsins og vísar þeim til afgreiðslu sveitarstjórnar.
• 2.4 2412062 Starfshópur um byggingu björgunarmiðstöðvar
  Byggðarráð - 1235 Uppi hafa verið hugmyndir um byggingu björgunarmiðstöðvar til að leysa úr húsnæðisvanda slökkviliðs en í henni gæti jafnframt verið aðstaða fyrir sjúkrabíla og lögreglu ásamt björgunarsveit. Byggðarráð samþykkir að skipaður verði starfshópur um verkefnið og samþykkir jafnframt erindisbréf hópsins. Gert er ráð fyrir að í hópnum sitji fulltrúi meirihluta í sveitarstjórn sem jafnframt verði formaður, fulltrúi minnihluta í sveitarstjórn, slökkviliðsstjóri, skipulags- og byggingafulltrúi og fulltrúi Björgunarsveitarinnar Húna. Með hópnum mun starfa sviðsstjóri umhverfis-, veitu- og framkvæmdasviðs. Sveitarstjóra er falið að kalla eftir tilnefningum í hópinn.
• 2.5 2412063 Reglur um birtingu gagna með fundargerðum
  Byggðarráð - 1235 Innleiðing á fundargerðakerfi hefur staðið yfir um nokkurt skeið. Með kerfinu er vinnulag við ritun og birtingu fundargerða bætt til muna ásamt því að færi gefst á stóraukinni upplýsingamiðlun með birtingu fylgigagna með liðum fundargerða þar sem það á við og er mögulegt. Byggðarráð samþykkir framlagðar reglur og vísar þeim til afgreiðslu sveitarstjórnar.
• 2.6 2412064 Innkaupareglur Húnaþings vestra
  Byggðarráð - 1235 Í uppfærðum reglum er gerð breyting á því bili sem viðhafa á verðfyrirspurn við kaup á vörum og þjónustu og við gerð verksamninga. Er um að ræða hækkun í samræmi við verðlag líkt og heimilt er skv. 2. mgr. 23. gr. laga um opinber innkaup nr. 120/2016. Einnig er lagt til að innkaupareglur verði framvegis uppfærðar á tveggja ára fresti í samræmi við framangreinda heimild, næst í nóvember 2026. Byggðarráð samþykkir framlagðar reglur með áorðnum breytingum og vísar þeim til afgreiðslu sveitarstjórnar.
• 2.7 2412067 Samþykkt um tímabundinn afslátt af gatnagerðargjöldum
  Byggðarráð - 1235 Um er að ræða niðurfellingu gatnagerðagjalda af eftirtöldum lóðum út árið 2025 í samræmi við heimild úr 5.gr. laga nr. 153/2006 og 5. gr samþykkar Húnaþings vestra um gatnagerðagjöld nr. 1325/2023:
  
  Á Hvammstanga lóðirnar Bakkatún 3, Bakkatún 5, Bakkatún 7, Grundartún 2, Grundartún 17 og Hlíðarvegur 21.
  
  Á Laugarbakka lóðirnar Teigagrund 7 og Gilsbakki 1-3.
  
  Byggðarráð samþykkir niðurfellingu gatnagerðagjalda af framangreindum lóðum og vísar samþykktinni til afgreiðslu sveitarstjórnar.
  
• 2.8 2308018 Jafnréttisáætlun 2023-2026
  Byggðarráð - 1235 Áður á dagskrá 1234. fundar. Niðurstöður könnunar meðal starfsmanna voru almennt jákvæðar og gáfu ekki tilefni til efnislegra breytinga. Byggðarráð þakkar starfsmönnum sveitarfélagsins fyrir að láta sig málið varða með þátttöku í könnuninni. Byggðarráð samþykkir framlagða uppfærða jafnréttisáætlun Húnaþings vestra ásamt stöðumati og vísar til afgreiðslu sveitarstjórnar.
• 2.9 2501003 Lóðaleigusamningar
  Byggðarráð - 1235 Endurskoðunin var gerð af lögmanni sveitarfélagsins. Breytingarnar felast að mestu í uppfærðu orðalagi. Ekki er um efnislegar breytingar að ræða. Byggðarráð samþykkir framlagðan samning og vísar til afgreiðslu sveitarstjórnar.
• 2.10 2412046 Drög að flokkun tíu vindorkuverkefna
  Byggðarráð - 1235 Um er að ræða kynningu verkefnisstjórnar rammaáætlunar á drögum að flokkun 10 vindorkukosta. Umsagnarfrestur var upphaflega til 2. janúar 2025 en var framlengdur til 9. janúar 2025.
  
  Byggðarráð þakkar framlengingu á skilafresti umsagna en sérstakt verður að teljast að jafn mikilvægt og umdeilt mál sé sett í samráð yfir jól og áramót. Byggðarráð Húnaþings vestra gerir eftirfarandi athugasemdir við framlögð drög:
  
  Í drögunum kemur fram að verkefnisstjórnin telur brýnt að stjórnvöld ljúki stefnumótunarvinnu um virkjun vindorku í landinu. Byggðarráð tekur heilshugar undir það. Í því sambandi nefnir verkefnisstjórnin fjögur verkefni sem að mati byggðarráðs eru afar mikilvæg: (1) skoðun á stefnumótandi tillögum settum fram í skýrslunni Vindorka, valkostir og greining, (2) skipting kostnaðar og ábata m.a. milli ríkis og sveitarfélaga, (3) stefnumótun um staðarval vindorkuvera og fleiri stefnumótandi atriði og (4) breytingar á málsmeðferð vindorku í lögum um rammaáætlun. Byggðarráð leggur áherslu á að öll þessi verkefni er nauðsynlegt að vinna í náinni samvinnu við sveitarfélögin sem fara með skipulagsvald. Ógerningur er að taka afstöðu til einstakra virkjanakosta nema laga- og regluramminn sé skýr af hálfu hins opinbera og sveitarfélög geti aðlagað sínar skipulagsáætlanir að þeim ramma.
  
  Af þeim 10 virkjunarkostum sem tilgreindir eru í skjalinu er einn innan Húnaþings vestra, Hrútavirkjun. Þegar til hans er litið eru upplýsingar í skýrslunni um margt ófullkomnar. Til dæmis er ekki er lagt mat á samfélagsleg áhrif, ástæða þess er auk þess ekki skýrð í skýrslunni. Afar erfitt er að leggja mat á fýsileika virkjunarkostsins án þess að samfélagsleg áhrif séu tekin með í reikninginn. Einnig vantar upplýsingar fyrir Hrútavirkjun í samantekt á þeim viðföngum sem faghópur 3 telur hafi mest jákvæð og
  mest neikvæð áhrif við viðkomandi virkjunarkost. Einnig kemur fram að faghópar hafi ekki skoðað þætti eins og t.d. aðkomu að framkvæmdasvæðum né heldur hver beri þann kostnað, mengunaráhrif hafa heldur ekki verið skoðuð en hvoru tveggja eru mikilvægir þættir í mati á fýsileika virkjanakosta. Faghópar 1 og 2 hafa lagt mat á áhrif á fuglalíf og er sérstaklega fjallað um farleiðir hafarna og þá staðreynd að virkjanakosturinn Hrútavirkjun sé í farleið þeirra skv. mælingum. Byggðarráð telur brýnt að sá þáttur sé skoðaður betur áður en ákvörðun er tekin um framhald verkefnisins. Byggðarráð tekur einnig undir það sem fram kemur um að verkefnið hafi lítið verið kynnt í nærumhverfinu og á það við um fleiri virkjanakosti sem nefndir eru í skjalinu. Það verður að teljast sérstakt að einkafyrirtæki geti óskað eftir mati á virkjunarkosti innan sveitarfélags án nokkurs samtals við sveitarfélagið sem fer með skipulagsvaldið eða íbúa í nærumhverfinu.
  
  Að framansögðu telur byggðarráð Húnaþings vestra skynsamlegt að virkjanakosturinn sé flokkaður í biðflokk eins og lagt er til í skýrslunni. Meginástæða þess er að laga- og reglurammi liggur ekki fyrir auk þess sem ekki liggi fyrir nægilegar upplýsingar til að leggja mat á þann virkjunarkost í sveitarfélaginu sem um ræðir. Byggðarráð gerir einnig athugasemd við það að einstaka aðilar geti "klukkað" ákveðin svæði án nokkurs samtals við sveitarfélögin eða nærumhverfi. Slíkt er ekki til þess fallið að auka traust og vilja heimamanna til að taka þátt í verkefnum sem þessum. Í vinnu við gerð regluverks um vindorku þarf að gera lagfæringar á því ferli svo sveitarfélög og íbúar þess verði þátttakendur frá upphafi í vindorkuverkefnum.
  
  Ráðið áskilur sér rétt til athugasemda á síðari stigum málsins. Bókun fundar Ingimar Sigurðsson vék af fundi kl. 15:16.
  
  Lögð fram eftirfarandi tillaga:
  „Sveitarstjórn Húnaþings vestra tekur undir bókun byggðarráðs.“
  
  Tillagan borin undir atkvæði og samþykkt með 6 atkvæðum.
  
  Ingimar Sigurðsson kom til fundar að nýju kl. 15:18.
• 2.11 2412060 Endurskoðun leiðarkerfis landsbyggðarvagna
  Byggðarráð - 1235 Lagt fram til kynningar.
• 2.12 2501002 Fundargerðir stjórnar Sambands íslenskra sveitarfélaga 2025
  Byggðarráð - 1235

Málsnúmer 2412002FVakta málsnúmer

• 3.1 2412009 Samráðsgátt barna - niðurstöður könnunar
  Ungmennaráð - 76 Farið yfir niðurstöður. Ungmennaráð telur ekki ástæðu til að senda inn umsögn um tillögur sem koma fram.
• 3.2 2412025 Beiðni um ráðstöfun fjármagns ungmennaráðs 2024
  Ungmennaráð - 76 Ungmennaráð samþykkir að nýta fjármagni ungmennaráðs fyrir árið 2024 í búnaðarkaup fyrir samfélagsmiðstöð samkvæmt framlögðum lista, með fyrirvara um samþykki byggðarráðs og/eða sveitarstjórnar. Bókun fundar Lögð fram eftirfarandi tillaga:
  
  „Sveitarstjórn samþykkir að ungmennaráð fái að ráðstafa fjármagni sem til ráðstöfunar var árið 2024 í búnaðarkaup fyrir samfélagsmiðstöð.“
  
  Tillagan borin undir atkvæði og samþykkt með 7 atkvæðum.

Málsnúmer 2411049Vakta málsnúmer

Málsnúmer 2412062Vakta málsnúmer

Málsnúmer 2308018Vakta málsnúmer

Málsnúmer 2412063Vakta málsnúmer

Málsnúmer 2412051Vakta málsnúmer

Málsnúmer 2411047Vakta málsnúmer

Málsnúmer 2412064Vakta málsnúmer

Málsnúmer 2501003Vakta málsnúmer

Málsnúmer 2412067Vakta málsnúmer

Málsnúmer 2304025Vakta málsnúmer

Málsnúmer 2311018Vakta málsnúmer