Tilkynningar og fréttir

Umhverfisnefnd Grænfánaverkefnis Grunnskóla Húnaþings vestra, Umhverfisstjóri og nemendur Grunnskólans, leggja sitt af mörkum í baráttunni við plastið, með því að gefa fjölnota burðarpoka inn á öll heimili í Húnaþingi vestra ásamt kynningarbréfi um skaðsemi plasts í náttúrunni. Í pokanum má einnig finna fallegan segul sem nemendur unnu sjálfir og er tilvalið að setja á ísskápinn til að minna mikilvægi flokkunar. Pokarnir eru í glaðlegum litum og spennandi verður að sjá í kaupfélaginu á næstu dögum, hvaða litur hefur ratað inn á hvaða heimili :) Mismunandi teikningar eru á seglunum, en valið var úr fjölda teikninga og þar var að finna margar mjög skemmtilegar myndir og sýna hvað unga kynslóðin er hugmyndarík og áhugasöm fyrir umhverfinu og náttúrunni.

Þingmenn framsóknarflokksins í kjördæminu komu til Hvammstanga í gær.  Þeir byrjuðu á að heimsækja Ráðhús sveitarfélagsins og funda með sveitarstjóra í þeim tilgangi að kynna sér starfsemi sveitarfélagsins og helstu áherslur sveitarstjórnar m.a. í heilbrigðis-, samgöngu-, mennta- og fjarskiptamálum.