Tilkynningar og fréttir

Laust er til umsóknar starf sviðsstjóra framkvæmda- og umhverfissviðs sveitarfélagsins Húnaþings vestra. Um er að ræða 100% starf í stjórnsýslu sveitarfélagsins. Starfið heyrir beint undir sveitarstjóra Húnaþings vestra. Leitað er að öflugum og metnaðarfullum einstaklingi í starf sviðsstjóra framkvæmda- og umhverfissviðs. Sviðsstjóri ber ábyrgð gagnvart sveitarstjóra og sveitarstjórn í öllum störfum sínum og ákvörðunum.   Starfssvið • Öll verkefni sem lúta að starfi skipulags- og byggingarfulltrúa m.a. veitingu byggingarleyfa • Sviðsstjóri á setu í framkvæmdaráði sveitarfélagsins ásamt sveitarstjóra, sviðsstjóra   fjármála- og stjórnsýslusviðs og sviðsstjóra fjölskyldusviðs • Ábyrgð á starfsemi þjónustumiðstöðvar á Hvammstanga, hafnar, eignasjóðs, brunavörnum,   fráveitu, hitaveitu, vatnsveitu, umhverfismálum, umferðar- og samgöngumálum,     framkvæmda og viðhaldsmálum sveitarfélagsins • Gerð fjárhagsáætlana í samvinnu við framkvæmdaráð, sveitarstjórn, rekstrarstjóra   framkvæmda- og umhverfissviðs og aðra starfsmenn sveitarfélagsins eftir því sem við á • Umsjón með lóðum og lendum sveitarfélagsins • Ábyrgð og eftirlit með öryggismálum • Sviðsstjóri framkvæmda- og umhverfissviðs er jafnframt starfsmaður skipulags- og    umhverfisráðs Húnaþings vestra   Menntunar- og hæfniskröfur • Próf í rekstrar-, verk-, byggingar- eða tæknifræði sem nýtist í starfi • Réttindi skipulags- og byggingafulltrúa æskileg en ekki skilyrði • Reynsla af áætlanagerð, s.s. verk-, kostnaðar- og fjárhagsáætlanagerð • Leiðtogahæfni, jákvæðni, þjónustulund og hæfni í mannlegum samskiptum • Þekking og reynsla af stjórnun og rekstri er æskileg • Þekking á sviði framkvæmda er nauðsynleg • Þekking og reynsla af opinberri stjórnsýslu er  æskileg • Sjálfstæð vinnubrögð, frumkvæði og  skipulagshæfni • Geta til að tjá sig í ræðu og riti   Umsóknum eiga að fylgja ítarlegar starfsferilskrár og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.   Umsóknarfrestur um starf sviðsstjóra Framkvæmda- og umhverfissviðs Húnaþings vestra er til og með 21. júlí  nk. Umsóknir skulu vera skriflegar og skal senda þær til skrifstofu Húnaþings vestra, Hvammstangabraut 5, 530 Hvammstangi. Öllum umsóknum verður svarað skriflega. Áhugasamir geta kynnt sér starfsemi Húnaþings vestra á heimasíðu sveitarfélagsins www.hunathing.is.  Nánari upplýsingar um starfið veitir  Unnur Valborg Hilmarsdóttir, oddviti í  síma 862-1340     Hvammstangi í Húnaþingi vestra er stærsti þéttbýliskjarni sveitarfélagsins með um 560 íbúa en íbúar í Húnaþingi vesta eru 1.160.  Hvammstangi er í alfaraleið, aðeins 6 km. frá þjóðvegi 1 og í u.þ.b. tveggja klst. akstursfjarlægð frá Reykjavík og Akureyri. Í Húnaþingi vestra er til staðar öll almenn opinber þjónusta auk annarrar fjölbreyttrar þjónustu. Möguleikar til útivistar, íþrótta, afþreyingar og félagsstarfa eru fjölmargir og því er Húnaþing vestra góður búsetukostur fyrir fjölskyldufólk.

Laust er til umsóknar starf sviðsstjóra framkvæmda- og umhverfissviðs sveitarfélagsins Húnaþings vestra. Um er að ræða 100% starf í stjórnsýslu sveitarfélagsins. Starfið heyrir beint undir sveitarstjóra Húnaþings vestra. Leitað er að öflugum og metnaðarfullum einstaklingi í starf sviðsstjóra framkvæmda- og umhverfissviðs. Sviðsstjóri ber ábyrgð gagnvart sveitarstjóra og sveitarstjórn í öllum störfum sínum og ákvörðunum.

Samtök sveitarfélaga á Norðurlandi vestra (SSNV) auglýsa eftir framkvæmdastjóra. SSNV er þjónustu- og samstarfsvettvangur sveitarfélaganna á Norðurlandi vestra og sér um mikilvæga sameiginlega málaflokka og hagsmunamál sveitarfélaga á starfssvæðinu. 

Brunavarnaráætlun fyrir Brunavarnir Húnaþings vestra 2014-2018 var samþykkt á fundi sveitarstjórnar þann 15. maí sl. Brunavarnaráætlun leggur grunninn að gæðastjórnun  og úttekt á starfsemi slökkviliðs fyrir þá aðila sem bera ábyrgð á brunavörum í hverju sveitarfélagi .