Tilkynningar og fréttir

Húnaþing vestra tekur þátt í Hreyfiviku (Move Week) annað árið í röð. Hreyfivikan í ár verður dagana 23.-29. maí n.k. Tilgangur Hreyfivikunnar er að hvetja til virkrar hreyfingar og þátttöku í íþróttum þannig að fólk hreyfi sig a.m.k. 30 mínútur á dag. Einn liður í hreyfivikunni er sundkeppni á milli sveitarfélaga. Árið 2015 tóku 28 sveitarfélög virkan þátt í keppninni og syntu 4.300 einstaklingar samanlagt 4.900 kílómetra sem er álíka langt og frá Íslandi til New York!

Hreyfileikur fyrir alla fjölskylduna Nú er tækifærið fyrir alla fjölskylduna að hreyfa sig saman með því að taka þátt í skemmtilegum fjölskylduleik í hreyfivikunni.  Það sem þið gerið er eftirfarandi: Takið þátt í neðangreindum viðburðum, takið myndir af ykkur í hverjum viðburði fyrir sig og póstið á instagram eða facebook með myllumerkinu #hreyfileikurhvt. Myndirnar þurfa að birtast í hreyfivikunni. Athugið að instagram reikningingur þarf að vera opinn svo að myndirnar sjáist.  Vinningar:  1. Árskort í Íþróttamiðstöð fyrir fjölskylduna  2. Út að borða á Sjávarborg  fyrir fjölskylduna  3. Árskort fyrir fjölskylduna í sund

Húnaþing vestra mun starfrækja vinnuskóla í sumar fyrir 13-16 ára ungmenni.  Vinnuskólinn hefst 7. júní.

Kvennaklefinn verður lokaður frá kl 14:00 til 15:00 vegna hreinsun á loftræstikerfinu, við biðjumst velvirðingar á þeim óþægindum sem þetta gæti ollið

Kynningarfundir með fjárfestingafélaginu Tækifæri hf. verða haldnir miðvikudaginn 11. mai n.k. klukkan 12 í Eyvindarstofu á Blönduósi (boðið verður upp á súpu og brauð) klukkan 15 í Hlöðunni á Hvammstanga (boðið verður upp á kaffi og með því)

Félagsheimilið Hvammstanga býður alla velkomna í beina útsendingu á Eurovision í dag þriðjudaginn 10. maí.

271. fundur sveitarstjórnar Húnaþings vestra verður haldinn fimmtudaginn 12. maí 2016 kl. 15:00 í Ráðhúsinu á Hvammstanga.

Laus störf í Grunnskóla Húnaþings vestra 40-50% starf smíðakennara frá 1. ágúst 2016 á yngsta stigi. Kennsluréttindi í grunnskóla skilyrði og ráðið samkvæmt kjarasamningi FG og SNS. 100% tímabundin staða stuðningsfulltrúa og umsjónarmanns frístundastarfs frá 1. ágúst til 31. desember 2016. Ráðið er samkvæmt kjarasamningi Samstöðu og SNS. Tvær 100% stöður stuðningsfulltrúa frá 1. ágúst 2016 eða fyrr. Ráðið er samkvæmt kjarasamningi Samstöðu og SNS. 100% staða skólaliða frá 1. ágúst 2016 eða fyrr. Ráðið er samkvæmt kjarasamningi Samstöðu og SNS. 50% staða skólaliða frá 1. ágúst 2016 eða fyrr. Ráðið er samkvæmt kjarasamningi Samstöðu og SNS.

Kynnt er breyting á Aðalskipulagi Húnaþings vestra 2014-2026. Tillaga að breytingu á aðalskipulagi austan Norðurbrautar og norðan Hvammavegs. Breytingin felur í sér að 1,2 ha. opnu svæði er breytt í verslunar- og þjónustusvæði vestan við lóð sláturhússins.  Lýsing vegna aðalskipulagsbreytingarinnar var auglýst til umsagnar frá 13. apríl 2016 - 27. apríl 2016. Tekið hefur verið tillit til ábendinga sem fram komu. Skipulags- og umhverfisráð samþykkti að kynna  fyrirliggjandi tillögu í Ráðhúsinu frá 06.05.2016 til 11.05.2016, hana má einnig sjá HÉR.

Starfsmann vantar til sumarafleysinga á skrifstofu sveitarfélagsins í Ráðhúsinu á Hvammstanga.  Starfið felst í almennum skrifstofustörfum. Æskilegt að starfsmaður hafi reynslu af skrifstofustörfum og geti hafið störf sem fyrst. Laun samkvæmt kjarasamningi milli Kjalar og  LN sveitarfélaga.