Tilkynningar og fréttir

Vetraropnunar hefst fyrsta september og er eftirfarandi: Mánudaga til fimmtudaga: Kl. 7:00 – 21:30 Föstudaga: Kl. 7:00 – 19:00 Laugardaga og sunnudaga: Kl.  10:00 – 16:00

Umhverfisviðurkenningar 2016 voru veittar þann 23. júlí sl. á fjölskyldudegi "Elds í Húnaþingi".

Göngur  fari fram laugardaginn 10. september 2016.   Þorgrímsstaðadal smali 5 menn undir stjórn Lofts Guðjónssonar á Ásbjarnarstöðum. Í þær göngur leggi til; Loftur Ásbjarnarstöðum 3 menn, Þorbjörg og Óskar Þorgrímsstöðum 2 menn.  Smalað verður norður og réttað á Ásbjarnarstöðum. Útfjallið smali 13 menn undir stjórn Benedikts á Bergsstöðum.

Laugardaginn 17. september ber að leita fyrstu leit í Bæjarhreppi. Réttað verður sama dag að Hvalsá. Réttarstjóri er Ingibjörg Rósa Auðunsdóttir og er einnig í annari leit. Ákveðið hefur verið að leita Kvíslarland 1. leit, föstudaginn 16. september. Önnur leit fer fram laugardaginn 1. október. Þá skulu ábúendur hafa leitað heimalönd sín. Utanbæjarfé á að koma til réttar í tæka tíð. Réttað verður í Hvalsá sunnudaginn 2. október kl 13.00. Ekki er heimilt að sleppa fé í beitarhólfið við Hvalsárrétt fyrr en laugardaginn 10. september og ekki fyrr en viku fyrir aðra leit. Þriðja leit verður ákveðin síðar svo og leitir innan varnarlínu við Fjarðarhorn.

Fjallskilaboð fyrir Þverárhrepp hinn forna 2016

Fimmtudaginn 25. ágúst ÖXULLYFTA við Selasetrið kl. 12.00

Hagnýtar upplýsingar til foreldra/forráðamanna um skólabyrjun 2016

Þann 18. ágúst sl. fór fram afhending styrkja úr Húnasjóði á kaffihúsinu Hlaðan á Hvammstanga.  Formaður byggðarráðs, Elín Jóna Rósinberg afhenti styrkina. Það er byggðarráð Húnaþings vestra sem úthlutar úr sjóðnum og var það gert á 912.fundi ráðsins þann 25. júlí sl.  Styrkþegar að þessu sinni eru: Guðríður Hlín Helgudóttir,  nám til BA prófs í ferðamálafræði. Kolbrún Arna Björnsdóttir, nám til BA prófs í japönsku máli og menningu Kristrún Pétursdóttir,  nám til BS prófs í næringarfræði Sigrún Soffía Sævarsdóttir,  nám til BS prófs í umhverfis- og byggingarverkfræði Þorgrímur Guðni Björnsson, nám til BS prófs í íþróttafræði

Minnt er á að frestur til að sækja um úthlutun styrkja úr Atvinnu- og nýsköpunarsjóði Húnaþings vestra er til 1. september nk.    Væntanlegum umsækjendum og öðrum áhugasömum er bent á að úthlutunarreglur, umsóknareyðublað og fleiri gögn er varða Atvinnu- og nýsköpunarsjóð Húnaþings vestra er að finna hér.

Á fundi stjórnar Fjallskiladeildar Hrútfirðinga að austan þann 10. ágúst 2016 var samþykkt að í haust verði fjallskil á svæðinu með eftirfarandi hætti:   Fyrsta leit fari fram fimmtudaginn 1. og föstudaginn 2. september og réttað verði að morgni laugardagsins 3. september.  Leit skal haga þannig að allt svæðið, þ.e. bæði heiðin og Meladalur verði smöluð á sama tíma.   Kl. 12 á hádegi fimmtudaginn 1. september skulu 7 leitarmenn vera ferðafærir við Bláhæð.  Verkefni þeirra verður að smala fremsta hluta heiðarinnar.  Eftirtalin bú leggi til þessa menn: Eyjanes 2 menn, Reykir II 2 menn, Akurbrekka 1 mann, Þóroddsstaðir 1 mann og Óspaksstaðir 1 mann.