Tilkynningar og fréttir

Kynningarfundir með fjárfestingafélaginu Tækifæri hf. verða haldnir miðvikudaginn 11. mai n.k. klukkan 12 í Eyvindarstofu á Blönduósi (boðið verður upp á súpu og brauð) klukkan 15 í Hlöðunni á Hvammstanga (boðið verður upp á kaffi og með því)

Félagsheimilið Hvammstanga býður alla velkomna í beina útsendingu á Eurovision í dag þriðjudaginn 10. maí.

271. fundur sveitarstjórnar Húnaþings vestra verður haldinn fimmtudaginn 12. maí 2016 kl. 15:00 í Ráðhúsinu á Hvammstanga.

Laus störf í Grunnskóla Húnaþings vestra 40-50% starf smíðakennara frá 1. ágúst 2016 á yngsta stigi. Kennsluréttindi í grunnskóla skilyrði og ráðið samkvæmt kjarasamningi FG og SNS. 100% tímabundin staða stuðningsfulltrúa og umsjónarmanns frístundastarfs frá 1. ágúst til 31. desember 2016. Ráðið er samkvæmt kjarasamningi Samstöðu og SNS. Tvær 100% stöður stuðningsfulltrúa frá 1. ágúst 2016 eða fyrr. Ráðið er samkvæmt kjarasamningi Samstöðu og SNS. 100% staða skólaliða frá 1. ágúst 2016 eða fyrr. Ráðið er samkvæmt kjarasamningi Samstöðu og SNS. 50% staða skólaliða frá 1. ágúst 2016 eða fyrr. Ráðið er samkvæmt kjarasamningi Samstöðu og SNS.

Kynnt er breyting á Aðalskipulagi Húnaþings vestra 2014-2026. Tillaga að breytingu á aðalskipulagi austan Norðurbrautar og norðan Hvammavegs. Breytingin felur í sér að 1,2 ha. opnu svæði er breytt í verslunar- og þjónustusvæði vestan við lóð sláturhússins.  Lýsing vegna aðalskipulagsbreytingarinnar var auglýst til umsagnar frá 13. apríl 2016 - 27. apríl 2016. Tekið hefur verið tillit til ábendinga sem fram komu. Skipulags- og umhverfisráð samþykkti að kynna  fyrirliggjandi tillögu í Ráðhúsinu frá 06.05.2016 til 11.05.2016, hana má einnig sjá HÉR.

Starfsmann vantar til sumarafleysinga á skrifstofu sveitarfélagsins í Ráðhúsinu á Hvammstanga.  Starfið felst í almennum skrifstofustörfum. Æskilegt að starfsmaður hafi reynslu af skrifstofustörfum og geti hafið störf sem fyrst. Laun samkvæmt kjarasamningi milli Kjalar og  LN sveitarfélaga.

Vinnuskólinn hefst 7. júní nk. 13-16 ára ungmenni hafa kost á að skrá sig í vinnuskólann. Óskað er eftir skráninum sem fyrst og eigi síðar en 15. maí nk.

  -skorað er á fólk og fyrirtæki að taka höndum saman og taka virkan þátt í hreinsuninni-   Við hvetjum alla íbúa og sérstaklega forsvarsmenn fyrirtækja og rekstaraðila til að taka virkan þátt í átakinu og taka til í sínu nærumhverfi, raða upp heillegum hlutum og henda því sem ónýtt er.    Dagana 4., 6. og 9. maí 2016 munu starfsmenn Húnaþings vestra fjarlægja garðaúrgang sem settur hefur verið út fyrir lóðamörk á Hvammstanga og Laugarbakka. Í tilefni af vorhreinsuninni  verður  opnunartími Hirðu sem hér segir: Fimmtudaginn  5. maí frá kl. 13:00-16:00 Föstudaginn  6. maí frá kl. 14:00-17:00 Laugardaginn 7. maí frá kl. 11:00-15:00 Mánudaginn 9. maí frá kl. 14:00-17:00  

Auglýsing um nýtt deiliskipulag fyrir klapparnámu í landi Bjarghúsa Húnaþingi vestra Sveitarstjórn Húnaþings vestra samþykkti á 269. fundi sínum þann 14.04.2016 að auglýsa tillögu að nýju deiliskipulagi fyrir klapparnámu  í landi Bjarghúsa í Húnaþingi vestra, fyrrum Þverárhreppi samkvæmt  1. mgr.  41. gr. skipulagslaga nr. 123/2010.

Óskum eftir að ráða flokkstjóra við vinnuskólann, um er að ræða gefandi og skemmtilega útivinnu og stýringu á 13-16 ára ungmennum. Hægt er að semja um hlutastarf, eða vinna part úr sumri, allt kemur til greina. Æskilegt er að umsækjendur séu 18 ára eða eldri. Frekari upplýsingar veitir Ína Björk Ársælsdóttir umhverfisstjóri í s. 771-4959 eða á netfanginu; ina@hunathing.is