Tilkynningar og fréttir

Samkvæmt sorphirðudagatali fer sorphirða fram á Hvammstanga og Laugarbakka í dag 29. febrúar. Íbúar eru vinsamlegast beðnir um að sjá til þess að aðkomuleiðir að tunnum séu greiðfærar þeim sem sinna losun ílátanna, til að þjónustan geti farið fram.

Nú hefst að nýju fyrirlestraröð Byggðasafns Húnvetninga og Strandamanna Með Sunnudagskaffinu. Dr. Vilhelm Vilhelmsson sagnfræðingur og stundakennari við Háskóla Íslands heldur fyrirlesturinn Bændur og vinnuhjú í Miðfirði á 19. öld. Fyrirlesturinn verður haldinn sunnudaginn 28. febrúar næstkomandi á Byggðasafni Húnvetninga og Strandamanna kl 14:00. Allir eru velkomnir og verður kaffisala á staðnum

Viltu deita fortíðina? Ef svo er, vertu innilega velkomin(n) á sögusýninguna „Mitt er þitt og þitt er mitt“ — konur á fyrri tíð

266. fundur sveitarstjórnar Húnaþings vestra verður haldinn fimmtudaginn 11. febrúar 2016 kl. 15:00 í félagsheimilinu Víðihlíð.   

Álagningu fasteignagjalda  í Húnaþingi vestra árið 2016 er nú lokið. Álagningarseðlar hafa verið sendir til fasteignaeigenda sem eru 67 ár og eldri og til fyrirtækja. Vakin er athygli á að allir álagningarseðlar einstaklinga eru aðgengilegir á netsíðunni www.island.is undir „mínar síður“.  Gjalddagar eru sex,  þ.e. 1. mars, 1. apríl, 1. maí, 1. júní, 1. júlí og 1. ágúst.  Eindagi er 30 dögum síðar.

Engar fyrirspurnir bárust um útboð á ræstingu í Grunnskóla Húnaþings vestra. Tilboð verða opnuð í fundarsal Ráðhúss Húnaþings vestra 15. febrúar kl. 10:00 að viðstöddum bjóðendum sem það kjósa.

Dagur leikskólans er haldinn hátíðlegur um land allt föstudaginn 5. febrúar. Af því tilefni ætlar skólakór leikskólans Ásgarðs að halda tónleika  kl 15:00 – 15:30, þann dag.

265. fundur sveitarstjórnar Húnaþings vestra verður haldinn fimmtudaginn 28. janúar 2016 kl. 15:00 í Ráðhúsinu á Hvammstanga.    

Í dag þann 26. janúar er Skákdagur Íslands haldinn um land allt. Skákdagurinn er haldinn á fæðingardegi Friðriks Ólafssonar, fyrsta stórmeistara Íslendinga og fv.forseta Alþjóða skáksambandsins FIDE, sem verður 81 árs. Af því tilefni hefur Íþróttamiðstöðin fjárfest í svokölluðu sundtaflsetti sem hægt verður að fá lánað hvenær sem fólki langar í „sundlaugarskák“ í heita pottinum.

Ágætu íbúar Húnaþings vestra   Við viljum minna á að við, starfsmenn SSNV atvinnuþróunar, verðum með vinnustofu/viðtalstíma á morgun, þriðjudaginn 26. janúar, kl. 15:00-18:00, á skrifstofu SSNV að Höfðabraut 6 á Hvammstanga.